Pa dadzienych Jeŭrastata, u 2015 hodzie 82 024 biełarusy atrymali vid na žycharstva ŭ Jeŭrasajuzie.
Lidzirujuć ž u śpisie tych, chto čaściej za ŭsio atrymlivaje vid na žycharstva ŭ Jeŭropie, — ukraincy (kala 500 tysiač čałaviek). Druhoje miesca ŭ hramadzian ZŠA (261 tysiača), treciaje — u Kitaja (167 tysiač).
Biełarusy ŭ śpisie atrymantaŭ vid na žycharstva ŭ Jeŭrasajuz zajmajuć siomaje miesca, abhaniajučy Rasiju.
Biełarusaŭ ad inšych mihrantaŭ adroźnivajuć pryčyny atrymańnia vidu na žycharstva. Naprykład, ukraincy ŭ asnoŭnym jeduć u Jeŭropu ŭ pošukach pracy — takich 75%. Tracina pierajechaŭšych amierykancaŭ i kala 60% kitajcaŭ atrymlivajuć u ES adukacyju, pałova pryjezdžych turkaŭ i 70% marakancaŭ mieli prava na vid na žycharstva ŭ Jeŭropie pa siamiejnych pryčynach.
Biełarusy ž nazyvali ŭ asnoŭnym niejkija «inšyja pryčyny» — i takich było 84%. Tolki 3,7% pierajechali pa siamiejnych abstavinach, 4,7% — u metach adukacyi i 7,2% — pa pracy. Darečy, 75 tysiač z 82 tysiač, jakija atrymali vid na žycharstva ŭ ES, vybrali susiedniuju Polšču.
Ciapier čytajuć
Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia1
Kamientary