Samy paśpiachovy futbolny ahient u Biełarusi zarablaje $200 tysiač za hod. Heta vynikaje z dadzienych pa sumach prybytku ahientaŭ za 2015 hod, apublikavanych Biełaruskaj fiederacyjaj futbołu.
Pieršaje miesca ŭ hetym rejtynhu zajmaje 33-hadovy Jaŭhien Hajduk— za minuły hod jon zarabiŭ $256 tysiač u ekvivalencie. Jon pracuje z takimi futbalistami jak Alaksandr Hleb, Viačasłaŭ Hleb, Jahor Filipienka, Alaksandr Hutar, Mikita Korzun, Michaił Sivakoŭ.
U trojku najbolš paśpiachovych ahientaŭ uvajšli taksama Arciom Sukač ($141 tysiača) i sierb Alaksandr Hrubier ($87 tysiač), viadomy pa svajoj pracy z hulcami BATE.
Ahienty pradstaŭlajuć intaresy futbalistaŭ va ŭzajemadačynieńniach z roznymi kontrahientami, u pieršuju čarhu z futbolnymi kłubami. Zvyčajna jany vystupajuć pasiarednikami pry zaklučeńni kantraktaŭ i atrymlivajuć pracent ad uhodaŭ, što i źjaŭlajecca ich asnoŭnym prybytkam.
Licenzavańniem i akredytacyjaj futbolnych ahientaŭ zajmajucca nacyjanalnyja futbolnyja fiederacyi.
Kamientary