Dola Netflix u rejtynhu najpapularniejšych sieryjałaŭ źniziłasia z bolš za 80 % u 2021 hodzie da 50 %
Netflix trymaje lidarstva siarod stryminhavych servisaŭ, u pieršaj pałovie 2025 hoda najpapularniejšym aryhinalnym sieryjałam staŭ «Hulnia ŭ kalmara» (Squid Game). Tym nie mienš ahulnaja častka kampanii ŭ topie prahladaŭ źnižajecca — z bolš za 80 % u 2021 hodzie da mienš čym 50 % zaraz, piša Bloomberg.
Pa danych Nielsen, u dziasiatku najpapularniejšych šou taksama ŭvajšli prajekty Amazon i Apple.
Takija sieryjały jak «Ryčer», «Džek Rajian», «Chłopcy» i «Vaładar piarścionkaŭ: Piarścionki ŭłady» zamacavali za Amazon reputacyju płatformy dla amataraŭ bajevikoŭ i fentezi. HBO taksama mieŭ chity «Apošnija z nas», «Bieły łotas» i «Balnica Pit», ale Nielsen uličyli ich jak «nabytyja», a nie aryhinalnyja.
Tym časam papularnaść nabirajuć biaspłatnyja servisy z rekłamaj. YouTube, Roku Channel i Tubi pavialičvajuć svaju dolu prahladaŭ, u toj čas jak u Netflix i Disney+ jana zastajecca stabilnaj. YouTube ciapier zajmaje 12,5 % usich prahladaŭ telebačańnia ŭ ZŠA — bolš, čym Disney+, HBO Max, Peacock i Paramount+ razam.
Peacock i Disney+ nie majuć nivodnaha šou ŭ topie Nielsen, a Hulu, jak i raniej, zastajecca asnoŭnaj płatformaj dla prahladu paŭtoraŭ, u pryvatnaści «Anatomii Hrej».
U dziciačym siehmiencie najpapularniejšym šou zastajecca «Błui», adnak kankurencyju składaje «Mis Rejčeł», jakaja startanuła na YouTube, a ciapier źjaviłasia i na Netflix.
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty6
Kamientary