U Chanoi źjaviacca zboračnyja vytvorčaści pasažyrskaj i hruzavoj techniki MAZ. Adpaviednyja dakumienty padpisany na 13-m pasiadžeńni biełaruska-vjetnamskaj mižuradavaj kamisii pa handlova-ekanamičnym i navukova-techničnym supracoŭnictvie ŭ čas aficyjnaha vizitu ŭ Vjetnam namieśnika premjer-ministra Uładzimira Siamaški i ministra pramysłovaści Vitala Voŭka, paviedamili ŭ pres-słužbie Minprama Biełarusi.
Fota MAZ
Biełaruska-vjetnamskaje pradpryjemstva pa zborcy hruzavoj techniki MAZ Asia (z hadavoj vytvorčaj mahutnaściu 1,5 tys. adzinak) pačnie funkcyjanavać užo ŭ hetym hodzie.
«Ciapier taksama viadziecca nakiravanaja rabota pa zapusku sumiesnaj vytvorčaści nizkapadłohavych aŭtobusaŭ na 60 i 80 čałaviek MAZ-Zenit», — infarmavali ŭ pres-słužbie.
Akramia taho, zaklučany kantrakty z kampanijaj Au Viet Industry JSC na 2017 hod na pastaŭku 200 adzinak aŭtatechniki MAZ, 8 karjernych samazvałaŭ BiełAZ-7547 hruzapadymalnaściu 45 t dla patreb kampanii «Apatyt Vjetnam» (pravincyja Łaakaj), a taksama 56 adzinak aŭtatechniki MAZ z metaj jaje realizacyi ŭ Kambodžu, Filipiny i Łaos.
Baki taksama padpisali pahadnieńnie ab namierach pamiž AAT «BiełAZ» i karparacyjaj «Vinakomin» i miemarandum AAT «MTZ» z kampanijaj Mekong Machinery Co., Ltd. na pastaŭku traktaroŭ «Biełarus» u Vjetnam u 2017 hodzie.
«Dasiahnutyja damoŭlenaści biezumoŭna nadaduć novy impuls u raźvićci biełaruska-vjetnamskich handlova-ekanamičnych adnosin», — padkreślili ŭ pres-słužbie Minprama.
5 kastryčnika 2016 hoda ŭstupiła ŭ siłu Pahadnieńnie ab zonie svabodnaha handlu pamiž krainami JEAES i Sacyjalistyčnaj Respublikaj Vjetnam. Pa pahadnieńni pamiž uradami Biełarusi i Vjetnama (SRV) padpisany Pratakoł ab vytvorčaści matornych transpartnych srodkaŭ na terytoryi SRV.
