U smartfonach-androidach dadałasia paŭnavartasnaja biełaruskaja mova
Uładalniki niekatorych smartfonaŭ z apieracyjnaj sistemaj Android 6.0.1 i vyšej źviarnuli ŭvahu, što z apošnim abnaŭleńniem telefona ŭ naładki dadałasia paŭnavartasnaja biełaruskaja mova.
Pry jaje abrańni biełarusizujecca ŭvieś telefon — aryhinalnyja prahramy źmianiajuć nazvu na «Nałady», «Maje fajły», «Hadzińnik» i hetak dalej.
Kab abrać biełaruskuju movu, treba adkryć Settings («Nastrojki») — Language and Input («Jazyk i vvod») — Language («Jazyk»). Pieršaj u śpisie varyjantaŭ budzie adlustroŭvacca biełaruskaja mova, kali jana dastupnaja dla vašaha telefona, albo bałharskaja (kali biełaruskaj niama).
Taksama varta ŭ susiednim mieniu kłavijatury dadać biełaruskuju raskładku.
Na jakich smartfonach užo dastupnaja biełaruskaja mova? Naprykład, u Samsung Galaxy A7 (A710F) i Samsung Galaxy J5 (J510F) jana dakładna jość. A voś u samych darahich madelach, nakštałt Samsung Galaxy S7, pakul niama.
U maskoŭskaj słužbie padtrymki «Samsunh» nie zmahli pradastavić śpis madelaŭ smartfonaŭ, jakija padtrymlivajuć biełaruskuju movu. Kansultant paraiŭ praviarać kožnuju madel uručnuju — maŭlaŭ, prašyŭka u kožnaha smartfona roznaja.
Padobnaja situacyja i ź inšymi brendami — Huawei, Lenovo i inšymi.
Karystalniku, jaki pieravioŭ svoj telefon z ruskaj na biełaruskuju movu, treba być hatovym, što niekatoryja prahramy stanuć anhłamoŭnymi. Sprava ŭ tym, što bolšaść dadatkaŭ sprabuje adkrycca na «movie pryłady» — biełaruskaj. Ale kali adpaviednaj moŭnaj viersii nie maje, adkryvaje anhlijskuju.
* * *
Pišycie ŭ kamientarach, na jakich madelach smartfonaŭ vy zmahli ŭstalavać biełaruskuju movu.
Ciapier čytajuć
«Pamiery pałochajuć». Jak vyhladaje znutry novaadkryty handlovy centr u «Minsk-Śviecie» FOTY13
Kamientary