Dyrektar homielskaj škoły abvierh infarmacyju ab prymusie nastaŭnikaŭ da ŭstupleńnia ŭ «Biełuju Ruś»
Dyrektar homielskaj siaredniaj škoły № 28 Michaił Daraškoŭ abvierh infarmacyju ab tym, što školnaja administracyja prymušała rabotnikaŭ ustupać u respublikanskaje hramadskaje abjadnańnie «Biełaja Ruś».
Pra fakt prymusu BiełaPAN na ŭmovach ananimnaści raskazaŭ adzin z nastaŭnikaŭ škoły. Pavodle jaho słoŭ, 2 listapada na pasiadžeńni piedahahičnaha savieta administracyja škoły patrabavała napisać tłumačalnuju ŭ vypadku admovy ŭstupać u «Biełuju Ruś».
Dyrektar paćvierdziŭ, što 2 listapada 14 rabotnikaŭ škoły ŭstupili ŭ «Biełuju Ruś».
Ale — absalutna dobraachvotna, padkreśliŭ jon.
Heta, pavodle słoŭ Daraškova, adbyłosia paśla pasiadžeńnia piedsavieta, na jakim i pastupiła prapanova papoŭnić šerahi respublikanskaj hramadskaj arhanizacyi. «Nichto nikoha nie prasiŭ pisać tłumačalnyja, usio heta niapraŭda. 14 čałaviek dobraachvotna napisali zajavy, biez usialakich prablem. Nikoli ŭ žyćci ja takimi spravami nie praktykuju», — dadaŭ dyrektar škoły, jaki, darečy, źjaŭlajecca staršynioj piarvičnaj arhanizacyi «Biełaj Rusi».
Raniej školnaja piarvička składałasia z 18 členaŭ, ciapier ich stała 32.
-
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi
-
Z 1 vieraśnia biełarusam, što jeduć u Łatviju, treba budzie zarehistravacca na śpiecyjalnym partale i zapoŭnić ankietu
-
Śpiecsłužby pad vyhladam «druku simvoliki i ściahoŭ» sprabujuć padbić biełarusaŭ zamiežža pieradać svaje asabistyja źviestki
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi8
Kamientary