Zahady Ministerstva pa padatkach i zborach ab nieabchodnaści padać deklaracyi ab prybytkach i majomaści atrymali kiraŭniki i aktyvisty ŭsich bujnych pravaabarončych arhanizacyj, a taksama ichnyja svajaki.
Ciaham apošnich dziesiaci dzion listy z padatkovaj inspekcyi atrymali staršynia Biełaruskaha Chelsynskaha kamitetu Aleh Hułak, pieršy staršynia arhanizacyi Taciana Proćka, vice-prezydent Mižnarodnaj federacyi pravoŭ čałavieka Aleś Bialacki, supracoŭnik BCHK Źmicier Markušeŭski, pravaabaronca Valancin Stefanovič i ichnyja siamiejniki.
Charakterna, što ŭcisk na pravaabaroncaŭ pačaŭsia ŭ tyja samyja dni, kali Łukašenkam byŭ padpisany Ukaz №344 «Ab pryznačeńni vybaraŭ u pałatu pradstaŭnikoŭ nacyjanalnaha schodu Respubliki Biełaruś čaćviortaha sklikańnia». Pavodle hetaha dakumentu parlamenckija vybary ŭ krainie projduć 28 vieraśnia.
Pravaabaronca Valancin Stefanovič adznačaje: «Usio heta adbyvajecca na fonie viadomych repartažaŭ na BT. Na moj pohlad, usio heta robicca dla taho, kab zahadzia dyskredytavać tych ludziej, što źbirajucca manitoryć vybary».
Stefanovič kaža, što ŭsie pravaabaroncy, što atrymali listy ź Ministerstva, jak dobrapasłuchmianyja hramadzianie, padali deklaracyi ab dachodach, i ciapier čakajuć adkazu.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj89
Kamientary