Ułady Ńju-Jorka atrymali papiaredžańnie pra pahrozu terarystyčnaj ataki ŭ dni pierad vybarami prezidenta ZŠA, jakija adbuducca 8 listapada, piša VVS.
U partovym upraŭleńni Ńju-Jorka i Ńju-Džersi, jakoje kantraluje značnuju častku infrastruktury rehijonu, paćvierdzili, što fiederalnyja ŭłady paviedamili im pra pavyšanuju terarystyčnuju pahrozu, praz što ŭ partach užo pavialičyli kolkaść patruloŭ.
Palicyja Ńju-Jorka taksama atrymała papiaredžańnie i raspracoŭvaje dadatkovyja miery biaśpieki ŭ horadzie.
Raniej amierykanski telekanał Si-bi-es sa spasyłkaj na krynicy paviedamiŭ, što roznyja vyviedvalnyja orhany ZŠA vypuścili sumiesnaje papiaredžańnie ab tym, što ekstremisckaja arhanizacyja «Al-Kaida» rychtuje terakty ŭ Ńju-Jorku, Techasie i Virdžynii. Infarmacyju ab papiaredžańni paćvierdziła i krynica Rejter.
Hubiernatar Techasa Hreh Ebat zajaviŭ, što ŭłady Techasa ŭ bližejšyja dni buduć sačyć za luboj padazronaj aktyŭnaściu.
58-je vybary prezidenta ZŠA projduć 8 listapada hetaha hoda.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)