Novy čarnobylski aračny sarkafah, ustanoŭka jakoha pačałasia 14 listapada, važyć 36 tysiač ton, maje 108 m u vyšyniu, 257 m u daŭžyniu i 162 m u šyryniu, piša VVS.
EBRD
Jaho ŭstanoŭka ažyćciaŭlajecca pry dapamozie 240 hidraŭličnych damkrataŭ i zojmie kala 40 hadzin čystaha rabočaha času.
Spačatku budaŭniki sabrali kanstrukcyju sarkafaha na placoŭcy niepadalok ad reaktara. Ciapier hetaj kanstrukcyi treba pieraadoleć šlach u 327 mietraŭ, paśla čaho jana pavinna całkam zakryć čaćviorty reaktar stancyi.
Budaŭnictva i ŭstanoŭku sarkafaha finansuje Jeŭrapiejski bank rekanstrukcyi i raźvićcia.
Ekspłuatacyjny termin novaha zbudavańnia — kala 100 hadoŭ. Płanujecca, što abjekt budzie ŭviedzieny ŭ ekspłuatacyju 29 listapada.
Paśla hetaha śpiecyjalisty pačnuć demantaž niestabilnych kanstrukcyj staroha sarkafaha i paškodžanaha reaktarnaha adździaleńnia. Hetyja raboty płanujuć skončyć da 2023 hoda.
Ministr ekałohii i pryrodnych resursaŭ Ukrainy Astap Siemiarak zajaviŭ, što ŭźviadzieńnie aračnaj kanstrukcyi nad reaktaram simvalizuje zakančeńnie 30-hadovaj baraćby z nastupstvami katastrofy na Čarnobylskaj AES.
«Heta nie prosta 36 tysiač ton mietału. Heta 36 tysiač ton viery ŭ pośpiech, davieru da našaha naroda i Ukrainy», — dadaŭ hiendyrektar AES Ihar Hramatkin.
