U Biełarusi abmiarkoŭvajecca pytańnie ab tym, kab pradavać śpirtavuju nastojku hłohu pa recepcie, raspavioŭ namieśnik dyrektara pa miedycynskaj častcy RNPC psichičnaha zdaroŭja Siarhiej Osipčyk.
Nastojku hłohu daktary pryznačajuć u jakaści tannaha srodku dla kompleksnaha lačeńnia roznaha rodu sardečnych zachvorvańniaŭ. Ale na praktycy asnoŭnymi spažyŭcami preparata źjaŭlajucca ludzi, chvoryja na ałkahalizm.
— U nas ałkaholik raźličvaje, kolki śpirtu za rubiel jon kupić. I nastojka hłohu akazvajecca dastatkova ekanamičnaj u paraŭnańni ź inšym ałkaholem u kramach, — ahučyŭ isnujučuju prablemu Siarhiej Osipčyk.
Śpirt užyvajecca ŭ nastojcy ŭ jakaści rastvaralnika i dazvalaje zrabić najbolšuju vyciažku karysnych rečyvaŭ ź ziołak. Pry hetym srodak źjaŭlajecca ałkaholnym. Ciapier dziejničaje miera — adpuskać nie bolš za dźvie ŭpakoŭki preparata ŭ adny ruki. Adnak jana źjaŭlajecca nie zusim dziejsnaj.
U Biełarusi ałkahol źjaŭlajecca asnoŭnaj pryčynaj rańniaj śmiarotnaści siarod mužčyn.
