Połackim mižrajonnym adździełam Śledčaha kamiteta raspačataja sprava pa č. 2 art. 139 KK u dačynieńni da 55-hadovaha mužčyny, jaki padazrajecca ŭ zabojstvie, učynienym ahulnaniebiaśpiečnym sposabam.
Jak paviedamiła aficyjny pradstaŭnik upraŭleńnia SK pa Viciebskaj vobłaści Śviatłana Sacharava, 19 listapada kala 22-j hadziny na hlebie asabistych niepryjaznych adnosin da žycharki Połackaha rajona adnaviaskoviec padpaliŭ jaje kvateru, raźmieščanuju na pieršym paviersie dvuchpaviarchovaha doma.
Paśla likvidacyi pažaru ŭ kvatery byŭ znojdzieny trup 61-hadovaj haspadyni kvatery. Akramia taho, u reanimacyjnaje adździaleńnie ŭstanovy achovy zdaroŭja z apiokami roznaj stupieni ciažkaści i atručvańniem praduktami hareńnia dastaŭleny 57-hadovy sužyciel haspadyni kvatery i jaje 41-hadovy syn.
Pryznačanyja ekśpiertnyja daśledavańni, u tym liku sudova-miedycynskaja, pažarna-techničnaja ekśpiertyzy; dapytanyja śviedki. Padazravany zatrymany, ź im pracujuć śledčyja.
