Kultura1515

TOP-10 biełaruskamoŭnych multfilmaŭ, jakija treba pabačyć kožnamu biełarusu

Vychavańnie lubovi i pavahi da rodnaj movy i kultury pačynajecca z malenstva. I vialikuju rolu ŭ hetym ciapier adyhryvajuć i miedyja. Dla dziaciej takimi miedyja źjaŭlajucca multfilmy i žyvaja mova baćkoŭ. I navat kali ŭ siamji vy razmaŭlajecie pa-rusku, a pierachod na movu dajecca składana — pačynajcie hladzieć multfilmy.

U internecie ich naźbirałasia ŭžo niamała. Kali pakazvać ich choć niekalki razoŭ na tydzień małym biełarusam i biełarusačkam, to jany ŭžo nikoli nie zabuducca na isnavańnie biełaruskaj movy. A nižej dla vas užo składzieny nievialiki «startavy pakiet». Pryjemnaha prahladu, i nie zabudźciesia padzialicca hetym artykułam u sacsietkach.

Biełaruskija prymaŭki. Absalutna hienijalny animacyjny tvor jak pa formie, tak i pa źmieście. Animacyja vykananaja ŭ styli vycinanki, a siužet pabudavany na biełaruskich prymaŭkach. Mult cikavy dzieciam i darosłym usich uzrostaŭ. Aŭtar idei, scenaryst i režysior — Michaił Tumiela. «Biełaruśfilm», 2008 hod.

Pilipka. Heta novaja płyń biełaruskaj animacyi. Tvor staŭ łaŭreatam niekalkich premij i źjaŭlajecca ŭzoram jakasnaha biełaruskamoŭnaha praduktu dla maleńkich hledačoŭ. U asnovie siužeta — biełaruskaja narodnaja kazka. Režysior — Taćciana Kublickaja.

Śvinka Pepa. Adzin z suśvietnaviadomych dziciačych multyplikacyjnych filmaŭ. Admysłovy biełaruskamoŭny dublaž zrabiła studyja «Kinakonh». Bolš za 20 sieryj raźmieščana na YouTube-kanale studyi.

Dzied. Jašče adzin jakasny animacyjny film kinastudyi «Biełaruśfilm». Siužet taksama pabudavany pa matyvach biełaruskaj narodnaj kazki. Scenaryst i režysior — Alaksandar Lenkin.

Abłavušak. Polski animacyjny film, jaki ahučany telekanałam «Biełsat», u im raspaviadajecca pra pryhody maleńkaha miadźviedzika Abłavuška. Režysiory — Januš Halevič i Biernard Dec. Usie sieryi lepš šukać uručnuju, bo na YouTube «Biełsata» ich znajści vielmi niaprosta.

Apovieść minułych hadoŭ. Multyplikacyjny film kinastudyi «Biełaruśfilm», jaki raspaviadaje pra roznyja aśpiekty historyi Biełarusi. Film cikavy dzieciam ad piaci hadoŭ i vyšej. Akramia vyšejpadadzienaha frahmienta, u internet na roznych kanałach vykładziena niekalki častak — tut, tuttut i tut. Aŭtar idei i kiraŭnik prajekta — Ihar Voŭčak.

Rycar Piatruś hierba «Try jabłyki». Francuzki animacyjny film pra pryhody rycara. Biełaruskamoŭny dublaž zrobleny telekanałam «Biełsat». Bolšaść sieryj, a taksama vielmi šmat inšych biełaruskamoŭnych multoŭ, možna znajści na hetym YouTube-kanale.

Pra rycara, što nikoha nie bajaŭsia. Ołdskulny chorar-mult ad «Biełaruśfilma», siužet jakoha niečym nahadvaje Don Kichota. Dzieci mohuć spužacca, ale va ŭsich nas u dziacinstvie byli multfilmy, jakich my bajalisia. Režysior — A. Turava.

Jak Nieścierka skarb šukaŭ. Kłasičny biełaruski multfilm pa matyvach narodnaj kazki. Režysior — Ihar Voŭčak.

Kałychanka ad Dzieda Baradzieda. Bieź jaje — nijak. Heta nieŭmiručaja kłasika cełaha pakaleńnia, kolkaść prahladaŭ jakoj na YouTube užo kala 200 tysiač. Dla maładziejšaha pakaleńnia jość i takaja kałychanka na słovy Hienadzia Buraŭkina.

Kamientary15

Susied Alesia Bialackaha raskazaŭ, u jakich umovach trymajuć nobieleŭskaha łaŭreata

Susied Alesia Bialackaha raskazaŭ, u jakich umovach trymajuć nobieleŭskaha łaŭreata

Usie naviny →
Usie naviny

Futbalist «Niomana», jaki raźbiŭ učora patryjatyčny ščyt, zapisaŭ videa z vybačeńniami2

Litva nie źviazvaje zapusk mietearałahičnych zondaŭ ź Biełarusi sa špijanažam

Litva pieradała ŭ Mižnarodny sud u Haazie dakumienty pa złačynstvach režymu Łukašenki11

Stała viadoma pra vyzvaleńnie dvaich vykładčykaŭ-palitviaźniaŭ z Mahilova4

Abvinavačanaha ŭ zamachu na Zachara Prylepina asudzili da pažyćciovaha źniavoleńnia

U Hrodzienskaj dyjacezii źmianiŭsia biskup1

La ścien Lidskaha zamka ŭzvodziać restaran biełaruskaj kuchni

86-hadovuju piensijanierku ŭ Hiermanii vysialajuć z doma. Susiedzi danieśli, što jana karmiła ptušak17

Zielankoŭskaja: Ź Michałkom nie kamunikujem, heta jaho rašeńnie. Navat ź dziećmi kamunikuju praź jaho novuju žonku11

bolš čytanych navin
bolš łajkanych navin

Susied Alesia Bialackaha raskazaŭ, u jakich umovach trymajuć nobieleŭskaha łaŭreata

Susied Alesia Bialackaha raskazaŭ, u jakich umovach trymajuć nobieleŭskaha łaŭreata

Hałoŭnaje
Usie naviny →