Fiederacyi handboła Rasii i Biełarusi padaduć sumiesnuju zajaŭku na praviadzieńnie čempijanatu Jeŭropy 2022 hoda siarod mužčynskich kamand, infarmuje BiełaPAN.
Takoje rašeńnie było pryniataje 23 listapada na pasiadžeńni vykankama Fiederacyi handboła Rasii z udziełam staršyni Biełaruskaj fiederacyi handboła Uładzimira Kanaplova, paviedamlaje pres-słužba FHR.
Dla padačy sumiesnaj zajaŭki budzie stvoranaja śpiecyjalnaja rabočaja hrupa. Kiraŭnik FHR Siarhiej Šyškaroŭ adznačyŭ, što na minułym tydni ŭdzielničaŭ u kanhresie Jeŭrapiejskaj fiederacyi handboła, i padkreśliŭ, što vyšejšaje kiraŭnictva JEHF «surjozna stavicca da sumiesnaj zajaŭki Rasii i Biełarusi na arhanizacyju ČIE».
Vykanaŭca abaviazkaŭ hienieralnaha dyrektara FHR Leŭ Varonin ličyć, što «ŭ sumiesnaj zajaŭki bolš šancaŭ na pieramohu padčas vybaraŭ haspadyni kantynientalnaha pieršynstva».
Kanaploŭ u svaju čarhu paviedamiŭ na pasiadžeńni vykankama, što papiarednie isnuje vusnaja padtrymka vyšejšaha kiraŭnictva krainy praviadzieńniu sumiesnaha z Rasijaj turniru. «Ja atrymaŭ vusnuju padtrymku z boku prezidenta, ministra sportu pa praviadzieńni čempijanatu Jeŭropy sumiesna z Rasijaj. My hatovyja supracoŭničać pa hetym pytańni», — adznačyŭ kiraŭnik biełaruskaj fiederacyi.
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary