Na «Art Siadzibie» u Minsku z anšłaham prajšła aŭtohraf-siesija kultavaha biełaruskaha vykanaŭca Lavona Volskaha.
Bolš za sotniu čałaviek naviedali pieradkancertnuju sustreču z ulubionym śpievakom. Lavon troški spaźniŭsia, ale addanyja słuchačy znajšli čym zaniać čas u čakańni śpievaka. Fanaty pačali śpiavać jahonyja pieśni. Jak jany heta rabili i jak sustreli muzyku — hladzicie ŭ videa «Našaj Nivy»:
Padčas sustrečy kožny achvotny moh nabyć dysk z novym albomam «Psichasamatyka», paśpiavać ź Lavonam Volskim i atrymać ad jaho aŭtohraf. Pačynajučy adnu ź pieśniaŭ, muzyka sumieŭsia i pryznaŭsia, što daŭno jaje nie hraŭ, ale fany zapeŭnili, što dapamohuć jamu, bo viedajuć jahonyja pieśni na pamiać.
Atrymać aŭtohraf pryjšli ludzi roznych pakaleńniaŭ — i baćki ź dziećmi, i junaki, i babuli ź dziadulami.
Fanaty nie chacieli adpuskać kumira, a vopleski było čuvać na ŭvieś HC «Maskoŭska-Vienski». Lavon paabiacaŭ, što na kancercie ŭ Vilnie, jaki projdzie 3 śniežnia, budzie jašče kruciej.
