Va ŭchvalenym kanhresam ZŠA biudžecie ministerstva abarony krainy na 2017 finansavy hod prapisanaja zabarona na vydzialeńnie srodkaŭ na vajennaje supracoŭnictva z Rasijaj.
Getty Images
Hrošy buduć vydzieleny ŭ tym vypadku, kali Pientahon paviedamić kanhres pra toje, što Rasija «spyniła akupacyju ŭkrainskaj terytoryi i ahresiŭnyja dziejańni, jakija pahražaje suvierenitetu i terytaryjalnaj cełasnaści Ukrainy i členaŭ Arhanizacyi Paŭnočnaatłantyčnaj damovy».
Druhoj umovaj źjaŭlajucca kroki pa vykanańni Minskich pahadnieńniaŭ ab spynieńni ahniu na ŭschodzie Ukrainy.
Adnosinam Pientahona z Rasijaj u dakumiencie pryśviečana ceły raździeł.
U im taksama zhadvajecca zabarona na vykarystańnie srodkaŭ na lubuju dziejnaść, jakaja źviazana «z pryznańniem suvierenitetu Rasii ŭ Krymie».
Dakumient taksama abmiažoŭvaje supracoŭnictva z Rasijaj u roznych technałahičnych śfierach.
Pry hetym robicca vyklučeńnie dla rasijskich pastaŭščykoŭ rakietnych ruchavikoŭ.
Da 2027 hoda pradoŭžana zabaronu na abmien infarmacyjaj z Rasijaj ab supraćrakietnaj abaronie, a taksama na stvareńnie abjadnanych sistem supraćrakietnaj abarony z Rasijaj i Kitajem.
Abrany prezident ZŠA Donald Tramp abraŭ kiraŭnikom Pientahona hienierała Džejmsa Mecisa. Vajskoviec, jaki atrymaŭ mianušku «Šalony sabaka», krytykavaŭ Rasiju z-za situacyi ŭ Krymie i va ŭschodnich rehijonach Ukrainy. Rasijskija ekśpierty naściarožana pastavilisia da hetaha vybaru.
