Arhanizatary «Jeŭrabačańnia» razhladajuć mahčymaść pravieści muzyčny konkurs u 2017 hodzie ŭ Maskvie, paviedamlaje Bild sa spasyłkaj na krynicu, znajomuju ź situacyjaj.
Prapanova źviazana ź finansavymi prablemami, ź jakimi sutyknułasia Ukraina pry padrychtoŭcy da konkursu.
U apošnija hady vydatki na arhanizacyju «Jeŭrabačańnia» składajuć ad 17 da 25 młn jeŭra, adznačaje Bild. Zvyčajna 10—14 młn jeŭra płacić Jeŭrapiejski viaščalny sajuz, astatnija hrošy ŭkładvaje kraina, što prymaje konkurs.
Namieśnik hiendyrektara Nacyjanalnaj telekampanii Ukrainy Viktoryja Ramanava raspaviała, što ŭłady krainy ŭžo harantavali vydzielić na arhanizacyju konkursu 15 młn jeŭra.
U kancy listapada v.a. kiraŭnika Nacyjanalnaj telekampanii Ukrainy Alaksandr Charebin raspavioŭ, što Ukrainu mohuć pazbavić prava praviadzieńnia «Jeŭrabačańnia». Jeŭrapiejski viaščalny sajuz patłumačyŭ heta zryvam padrychtoŭki da konkursu. Charebin źviazaŭ situacyju ź biurakratyjaj i hreblivym staŭleńniem da konkursu niekatorych čynoŭnikaŭ.
Kančatkovaje rašeńnie ab miescy praviadzieńnia konkursu Jeŭrapiejski viaščalny sajuz pavinien pryniać 8 śniežnia na hienieralnaj asamblei.
Ciapier čytajuć
Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?2
Kamientary