Ad kanca minułaha tydnia biełarusy pačali zaŭvažać prablemy ŭ dostupie da internetu praz Tor — prahramu, što dazvalaje zastavacca ananimnym i atrymlivać dostup da zablakavanych sajtaŭ i cełaha tajemnaha vebu. Padobna, što prablema zakranuła klijentaŭ šmatlikich biełaruskich pravajderaŭ, ale nie nazirajecca ŭ susiednich krainach, pieradaje radyjo «Svaboda».
Uvažajemyj @by_velcom, čto vy znajetie pro nierabočij TOR https://t.co/FbcHzjtadF v vašiej sieti i sieti Atłant Tielekoma? @nasa_niva @svaboda
Što rabić?
Śledavać instrukcyjam samoha Tor.
Zablakavać uvieś Tor niemahčyma. Dostup zakryty da standartnych šlachoŭ złučeńnia, ale alternatyŭnyja šlachi («Masty» — Bridges) možna abrać u naładach Tor jak dla nastolnych kamputaraŭ (u čas zapusku knopka «Nałady» — Settings), tak i dla mabilnych pryładaŭ (naprykład, u Orbot dla Android u bakavym meniu znajści pieraklučalnik «Masty» — Bridges).
Pry hetym prablemy nazirajucca i ź pieršymi prapanavanymi alternatyŭnymi šlachami. Ale nie z usimi. Prahramy sami padkazvajuć, dzie zdabyć adrasy alternatyŭnych šlachoŭ da Tor, siarod takich admysłovy raździeł na sajcie prajektu Tor, jaki na momant publikacyi dasiažny praz zvyčajny internet. U vypadku jahonaj niedasiažnaści možna napisać prośbu dać śpis na adras [email protected] (prymajucca listy z Riseup, Gmail i Yahoo).
Karystalniki Facebook užo samastojna raspaŭsiudžvajuć instrukcyi:
Čamu blakujuć?
Taho daŭno patrabuje zakon.
U pryvatnaści, pastanova Aperatyŭna-analityčnaha centru pry prezydencie i Ministerstva suviazi Biełarusi: u joj napisana, što treba blakavać srodki dostupu da zabaronienych sajtaŭ pry vyjaŭleńni hetych srodkaŭ. Pastanova datavanaja 19 lutaha 2015 hodu, Tor «vyjavili» tolki ŭ śniežni 2016-ha.
Pry hetym šmatlikija inšyja srodki dostupu da zablakavanych sajtaŭ i srodki zabieśpiačeńnia ananimnaści ŭ internecie ŭ Biełarusi pracujuć bieź pieraškodaŭ.
Ci zablakujuć zusim?
Pakul ni ŭ kaho nie atrymlivałasia.
Šerah krainaŭ zmahalisia z Tor i inšymi srodkami ananimnaści ŭ internecie. Najbolš viadomaje zmahańnie Kitaja z Tor, dy za apošnija 10 hod pieramahčy Tor nie atrymałasia: kali zakryvalisia adny «Masty», zaŭsiody źjaŭlalisia novyja.
Tym nia mieniej, zmahańni ŭładaŭ sa srodkami ananimnaści ŭ internecie niasie pieraškody dla šyrokaha koła karystalnikaŭ: ananimny dostup nie zakryvajecca, ale robicca ciažejšym. A zvykły dostup u internet daŭno nie ananimny. Naprykład, biełaruskija pravajdery aficyjna abaviazanyja ad 2016 hodu zachoŭvać źviestki ab sajtach, što naviedvaŭ karystalnik, a KDB lehalna moža prasłuchoŭvać lubyja razmovy.
Va Ukrainie zahinuła 24-hadovaja biełaruskaja dobraachvotnica Maryja Zajcava25
Kamientary