U studzieni pačniecca znos «BiełEkspa» i 2-j balnicy ŭ Minsku dziela arabskaha šmatfunkcyjanalnaha kompleksu

Učastak na miescy 2-j balnicy na Bahdanoviča i NVC «Biełekspa» na Kupały ŭ Minsku ŭ bližejšyja dva tydni budzie pieradadzieny arabskamu inviestaru. U kamitecie ekanomiki Minharvykankama raspaviali, što paśla padpisańnia damovy pačniecca znos starych karpusoŭ balnicy, a taksama budynki vystavačnaha centra. Pracedura znosu zojmie nie bolš za dziesiać miesiacaŭ i pačniecca pryblizna ŭ pačatku studzienia.

Pavialičyć

Inviestycyjny ŭčastak u miežach vulic Janki Kupały — Maksima Bahdanoviča - raki Śvisłač, dzie raźmieščany korpusa byłoj 2-j balnicy i NVC «BiełEkspa», užo dvojčy pabyvaŭ u rukach zamiežnych inviestaraŭ. Ale nivodny z prajektaŭ nie byŭ realizavany.

Nahadajem, spačatku pavodle ŭkaza prezidenta ŭ 2010 hodzie ziamla była pieradadziena amanskamu dziaržaŭnamu fondu za 10 miljonaŭ dalaraŭ. Praz dva hady amancy pieradumali niešta budavać, a minčanie tak i nie pabačyli abiacanaha šmatfunkcyjanalnaha kompleksu na bierazie Śvisłačy. U minułym hodzie hety ŭčastak dastaŭsia arabskim inviestaram, ale i ź imi ničoha ŭ vyniku nie vyjšła.

Čas pakazaŭ, što idealny z hieahrafičnaha punktu hledžańnia inviestycyjny ŭčastak apynuŭsia zusim nie prostym ŭ płanie zabudovy, pakolki addavaŭsia patencyjnym inviestaram z peŭnymi patrabavańniami.

Tak, zakazčyk pavinien byŭ nie tolki za svoj košt źnieści budynki korpusa balnicy i vystavačnaha centra, ale i zachavać tyja čatyry korpusy, jakija majuć histaryčnuju kaštoŭnaść (manastyrski korpus, dom invalidaŭ, bahadzielnia, haspadarčaja pabudova).

Akramia hetaha, treba było restaŭravać histaryčnyja karpusy i pravilna ŭpisać u sučasny prajekt zabudovy.

I voś, zdajecca, usio skłałasia: znojdzieny inviestar, jaki hatovy ŭkłaści ŭ prajekt kala 250 miljonaŭ dalaraŭ.

- Inviestar z AAE, ź Biełaruśsiu znajomy, dosyć zamožny, užo prajšoŭ usie stadyi ŭzhadnieńnia, - takuju charaktarystyku daŭ inviestaru namieśnik staršyni kamiteta ekanomiki Minharvykankama Mikałaj Achromienka. - Na praciahu dvuch tydniaŭ budzie padpisana inviestycyjnaja damova. Paśla hetaha zakazčyk «Minskaja spadčyna» prystupić da znosu byłoha budynka 2-j balnicy i vystavačnaha centra. Pry hetym čatyry korpusa balnicy, jakija majuć historyka-kulturnuju kaštoŭnaść, buduć zachavany, a ŭ budučyni - rekanstrujavany. Aryjentyrovačny pačatak znosu: kaniec śniežnia - pačatak studzienia.

• 0
• 0
• 0
• 0
• 0
• 0
• 0
• 0