Miemarandum ab namierach pa stvareńni intehracyjnaj płatformy raźvićcia zaklučyli 8 śniežnia ŭ Minsku ŭrad Biełarusi, rasijskija «Źniešekanambank», «Raseksimbank», a taksama biełaruskija Bank raźvićcia i «Bank BiełVEB». Padpisańnie dakumienta adbyłosia ŭ čas sustrečy pieršaha namieśnika premjer-ministra Vasila Maciušeŭskaha sa staršynioj «Źniešekanambanka» Siarhiejem Harkovym.
Jak paviedamili ŭ AAT «Bank BiełVEB», dakumient praduhledžvaje farmiravańnie pieraliku inviestycyjnych prajektaŭ dźviuch krain, jakija majuć vysoki intehracyjny patencyjał, i efiektyŭnaje vykarystańnie dziejnych i novych instrumientaŭ finansavańnia pracesu ich realizacyi. Budzie pravodzicca praca ŭ halinie ŭdaskanaleńnia zakanadaŭčaj bazy, jakaja rehłamientuje intehracyjnyja pracesy. Praduhledžvajecca bolš poŭnaje vykarystańnie finansava-ekanamičnaha patencyjału Sajuznaj dziaržavy dla raźvićcia ekanamičnaj intehracyi Respubliki Biełaruś i Rasijskaj Fiederacyi, u tym liku dla farmiravańnia ŭstojlivych mižhalinovych kłastaraŭ, aryjentavanych na ekspart u trecija krainy.
Dla praviadzieńnia nazvanaj pracy rasparadžeńniem premjer-ministra stvorany Prajektny ofis pa raźvićci ekspartu z pradstaŭnikoŭ biełaruskaha boku z udziełam dziaržaŭnych orhanaŭ Respubliki Biełaruś. Z metaj efiektyŭnaj realizacyi pałažeńniaŭ miemaranduma stvarajecca rabočaja hrupa, u jakuju ŭvachodziać pradstaŭniki Prajektnaha ofisa pa raźvićci ekspartu i «Źniešekanambanka». Kaardynacyjnyja funkcyi ŭskładajucca na AAT «Bank BiełVEB».
Vasil Maciušeŭski zaznačyŭ, što praca ŭ ramkach płatformy budzie vieścisia pa niekalkich kirunkach — heta i padtrymka ŭzajemnaha ekspartu pamiž Rasijaj i Biełaruśsiu, i, što asabliva važna, padtrymka ŭzajemnaha ekspartu ŭ trecija krainy, adznačyli ŭ pres-słužbie ŭrada.
U svaju čarhu staršynia «Źniešekanambanka» skazaŭ, što stvareńnie intehracyjnaj płatformy raźvićcia dapamoža sumiesnaj pradukcyi Biełarusi i Rasii vyjści na rynki trecich krain. «Naša zadača — stvaryć płatformu, kali my mahli b pavialičyć ekspart nie tolki pamiž Rasijaj i Biełaruśsiu, ale i vyjści ŭ trecija krainy z sumiesnaj pradukcyjaj. Takim čynam, hetaja płatforma dazvalaje pavialičyć abjom ekspartu i, samaje hałoŭnaje, stvaryć sinierhiju, abjadnać usich udzielnikaŭ pracesu. U hetym inavacyjnaść idei», — rastłumačyŭ Harkoŭ.
Pa vynikach studzienia-kastryčnika 2016 hoda ahulny abjom intehracyjnych prajektaŭ, prafinansavanych «Bankam BiełVEB», skłaŭ 736 młn dołaraŭ ZŠA ŭ ekvivalencie, što na 88 młn dołaraŭ u ekvivalencie bolš, čym za 10 miesiacaŭ 2015 hoda. Pry hetym dola rasijska-biełaruskich intehracyjnych prajektaŭ u ahulnym abjomie finansavańnia karparatyŭnych klijentaŭ za hety pieryjad skłała 47,3%.
Abjom kredytnaj padtrymki «Banka BiełVEB» pradpryjemstvaŭ Biełarusi, aryjentavanych na realizacyju svajoj pradukcyi ŭ Rasiju, za 10 miesiacaŭ 2016 hoda pierasiahnuŭ 210 młn dołaraŭ ZŠA. Na finansavańnie nabyćcia tavaraŭ, syraviny i abstalavańnia z Rasii za 10 miesiacaŭ 2016 hoda bankam nakiravana 286 młn dołaraŭ ZŠA ŭ ekvivalencie.
Suadnosiny abjomu prafinansavanych bankam intehracyjnych prajektaŭ da ahulnaha abjomu rasijska-biełaruskaha tavaraabarotu za 10 miesiacaŭ 2016 hoda skłali 3,5% (pa vynikach anałahičnaha pieryjadu 2015 hoda — 3,2%).
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary