«Sputnik i pahrom»: Z adnaho boku KDB i aparat prymusovaj biełarusizacyi, ź inšaha — školny vartaŭnik i ŭsia siła ruskaj kultury
Bujnyja rasijskija ŚMI admiežavalisia ad temy z zatrymańniami ŭ Biełarusi troch aŭtaraŭ infarmacyjnaha ahienctva «Rehnum» — Juryja Paŭłaŭca, Dźmitryja Alimkina i Siarhieja Šyptenki.
Minimalnyja paviedamleńni pra zatrymańni dali sajty kštałtu gazeta.ru, lenta.ru, RBK, RIA «Novosti», life.ru. Telekanał NTV uvohule nie paviedamlaŭ pra hetyja vypadki.
Bolš za toje, namieśnik ministra suviazi Rasii Alaksiej Volin adznačyŭ, što rasijskaja infarmacyjnaja pole «ŭ cełym pazityŭnaje ŭ dačynieńni da Biełarusi», i zaklikaŭ aficyjny Minsk nie źviartać uvahi na asobnyja vypadki.
Adnak niekatoryja vydańni, chaj i nie takija bujnyja, usio ž adznačylisia publikacyjami na temu. Prapanujem niekalki vytrymak z artykułaŭ.
«Tut dva cikavyja momanty. Pieršy: my ŭžo daŭno pišam pra toje, što Biełaruś ruchajecca pa ŭkrainskim šlachu - ale cicha, biez vajny i skokaŭ. Łukašenka, jakoha miascovyja nacyjanalisty ŭsio žyćcio nazyvali rusafiłam, zahavaryŭ na movie, ES u adkaz zdymaje ź jaho sankcyi i spraščaje vizavy režym, i voś ciapier u Biełarusi pačali sadžać praruskich publicystaŭ. Čym adkaža Rasijskaja Fiederacyja? Zrazumieła, što novaj źnižkaj na haz.
Druhi momant: publicyst Alimkin — nie miedyjamahnat i nie zorka tok-šou. Jon prosta piša artykuły i pracuje vartaŭnikom u škole. Heta značyć raskład taki: z adnaho boku — KDB i ŭvieś astatni aparat prymusovaj biełarusizacyi, usiu krainu abviešali płakatami z zaklikami havaryć na movie, a z druhoha — školny vartaŭnik. Plus ŭsia siła ruskaj kultury».
Jarasłaŭ Biełavusaŭ, «Sputnik i pahrom»
«Nie važna, chto pierad nami: ukrainski majdaŭn, biełaruski śviadomy, rasijski libierast abo małdaŭski rumynaŭnanist — paśla kančatkovaj pieramohi ruskaha śvietu hramadstva pavinna być padvierhnutaja tatalnaj lustracyi ad hetych subjektaŭ. Kamu — zona ź jeŭraramontam, kamu - čamadan-vakzał-Hejuropa (sory, za maju biełaruskuju:)) A Volzie Karač rieśpiekt. Zvyčajna libieralizm — heta zachvorvańnie, ale byvajuć i vyklučeńni».
Arciom Buziła, karespandent «Vzhlada»
«Što tyčycca mižnarodnaha efiektu ad takoha dziejańnia, to mienš za ŭsio chaciełasia b, kab Biełaruś, pryznany prychilnik postsavieckaj intehracyi i sajuza z Rasijaj, pačała ŭsprymacca aŭtsajdaram rusafobskaj palityki Prybałtyki i Ukrainy. Škada, što pra heta nie padumali inicyjatary spravy Ju. Paŭłaŭca, D. Alimkina i S. Šyptenki. Pa-dobramu lepš by ich vyzvalić prosta ciapier - čym bolš jany buduć znachodzicca za kratami, tym bolš vidavočna pieratvoracca ŭ palityčnych viaźniaŭ i na ich baku buduć sympatyi nie Zachadu i kupki biełaruskich libierałaŭ i nacyjanalistaŭ, a, skažam aściarožna, vialikaj kolkaści ludziej u Rasii i Biełarusi».
Andrej Hieraščanka, «PolitOboz»
Reakcyja libieralnaj supolnaści Biełarusi padzialiłasia na try častki. Pieršaja złaradničaje: «Nas 20 hadoŭ za «Žyvie Biełaruś!» sadžali, ciapier chaj i hetyja siadziać, i siadziać doŭha». Druhaja patrabuje pryznać aryštavanych palitviaźniami, pakolki parušanyja ich pravy na svabodu vykazvańniaŭ. A treciaja škaduje ab tym, što zatrymanyja - hramadzianie Biełarusi, a nie Rasii: nie sadžać ich treba, a adpravić u rasijskuju pravincyju na pastajannaje miesca žycharstva, i chaj tam atrymlivajuć asałodu ad vieličy impieryi».
Iryna Chalip, «Novaja hazieta»
-
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia
-
U Lachavičach školnik padčas futbolnaha matča vyvieŭ na tabło niecenzurnaje słova. Jak jamu heta ŭdałosia?
-
Na papcy ŭ Śviatłany Cichanoŭskaj ciapier partret palitźniavolenaha žurnalista Andreja Pačobuta FOTA
Kamientary