Bolš za 70 dadatkovych ciahnikoŭ naznačana ŭ dni kaladnych i navahodnich śviat, paviedamili ŭ pres-centry BČ.
«Biełaruskaja čyhunka zahadzia prymaje miery pa zabieśpiačeńni pieravozak pasažyraŭ u dni kaladnych i navahodnich śviataŭ. Naznačana bolš za 70 dadatkovych ciahnikoŭ mižnarodnych i mižrehijanalnych linij», — rastłumačyli ŭ BČ.
U mižnarodnych znosinach buduć dadatkova kursavać 40 ciahnikoŭ pa najbolš zapatrabavanych maršrutach: Minsk—Maskva—Minsk, Brest—Maskva—Brest, Kalininhrad—Maskva—Kalininhrad i Baranavičy—Maskva—Baranavičy.
U mižrehijanalnych znosinach u navahodnija śviaty dadatkovyja ciahnikinaznačany pa maršrutach: Minsk—Brest—Minsk, Homiel— Minsk—Homiel, Mahiloŭ—Minsk—Mahiloŭ, Hrodna—Minsk—Hrodna.
Pa najbolš papularnych u pasažyraŭ napramkach u śviatočnyja dni buduć dadatkova kursiravać ciahnikizdvojenymi sastavami: numar 708/707 Minsk—Homiel adpraŭleńniem ź Minska 30 i 31 śniežnia, 1 i 2 studzienia, z Homiela—31 śniežnia, 1, 2 i 3 studzienia; numar 701/702 Minsk—Brest adpraŭleńniem ź Minska 2 studzienia, z Bresta — 3 studzienia; numar 716/715 Minsk—Homiel adpraŭleńniem ź Minska i Homiela 2 studzienia; numar 710/709 Minsk—Homiel adpraŭleńniem ź Minska i Homiela 30 śniežnia i 1 studzienia.
Bolš padrabiaznuju infarmacyju ab časie adpraŭleńnia naznačanych dadatkovych ciahnikoŭ možna atrymać na sajcie BČ, a taksama ŭ čyhunačnych kasach i pa telefonach słužbaŭ daviedak.
«Biełaruskaja čyhunka praciahnie rabotu pa naznačeńni dadatkovych ciahnikoŭ na pieryjad navahodnich i kaladnych śviat z ulikam rostu pasažyrapatoku», — padkreślili ŭ pres-centry.
