Prezident Rasii Uładzimir Pucin u čaćviorty raz nazvany časopisam Forbes samym upłyvovym čałaviekam śvietu, piša VVS.
«Rasijski prezident raspaŭsiudziŭ upłyŭ svajoj krainy amal u kožny kutok ziamnoha šara; ad radzimy da Siryi i prezidenckich vybaraŭ u ZŠA — Pucin praciahvaje atrymlivać toje, što jon choča», — tłumačać svajo rašeńnie ŭ časopisie.
U jakaści paćvierdžańnia svaich słoŭ žurnalisty nahadvajuć ab tym, što rasijskich chakieraŭ vinavaciać va ŭzłomie paštovych siervieraŭ členaŭ Demakratyčnaj partyi ZŠA, što nibyta syhrała na ruku kandydatu ad Respublikanskaj partyi Donaldu Trampu, jaki pieramoh na vybarach.
Rasija abvinavačvańni adprečvaje. Adnak u Forbes upeŭnienyja, što ŭpłyŭ Pucina vyraście jašče bolš, kali Tramp zojmie svajo miesca ŭ Biełym domie.
Na druhim miescy ŭ rejtynhu akazaŭsia Tramp, a ciapierašni prezident ZŠA Barak Abama zaniaŭ tolki 48-je miesca.
Na trecim miescy — kancler Hiermanii Anhieła Mierkiel, zatym iduć lidar Kitaja Si Czińpin i papa Francišak.
U dziasiatku samych upłyvovych ludziej u śviecie ŭvajšła kiraŭnik Fiederalnaj reziervovaj sistemy ZŠA Džaniet Jelen, a taksama biznesmieny Bił Hiejts, Łary Pejdž i Mark Cukierbierh. 32-hadovy Cukierbierh staŭ samym maładym udzielnikam rejtynhu.
Z rasijan u śpis, akramia Pucina, trapiŭ biznesmien Ališer Usmanaŭ jak adzin z samych bahatych ludziej u Rasii, jaki maje biznes-intaresy ŭ samych roznych halinach.
Letaś taksama byŭ pieršym Pucin, za im — Anhieła Mierkiel, a na trecim miescy — Barak Abama.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ6
Kamientary