Niaščaście zdaryłasia ŭ Minsku pry kancy minułaha hoda.
Mužčyna ranicaj pajšoŭ u haraž ramantavać aŭtamabil, adnak na praciahu dnia svajakam nie ŭdavałasia ź im źviazacca.
Viečaram jany, zakłapočanyja doŭhaj adsutnaściu, adpravilisia na pošuki źnikłaha i znajšli jaho ŭ nieprytomnym stanie ŭ začynienym haražy. Miedyki kanstatavali śmierć.
Ekśpiertami ŭstanoŭlena, što śmierć mužčyny nastupiła ad vostraha atručvańnia čadnym hazam, paviedamlaje Dziaržaŭny kamitet sudovych ekśpiertyz.
Pry atručvańni im čałaviek nie adčuvaje prysutnaść hazu (jon nie maje koleru, pachu i smaku), pačynajecca hałaŭny bol, hałavakružeńnie, młosnaść, słabaść, błytanina ŭ śviadomaści, strata kaardynacyi; u zakrytym pamiaškańni kancentracyja SO ad vychłapnych hazaŭ aŭtamabila dasiahaje śmiarotnaha ŭzroŭniu za 5—10 chvilin. Čałaviek časta nie ŭśviedamlaje niebiaśpieku i stračvaje prytomnaść, paśla čaho ŭžo nie moža samastojna sabie dapamahčy.
Ekśpierty nahadvajuć pra nieabchodnaść vykanańnia mier biaśpieki: nikoli nie zapuskać ruchavik aŭtamabila ŭ zakrytym haražy, navat kali varoty źlohku adčynieny; zabiaśpiečvać pastajannuju vientylacyju; nie znachodzicca ŭ haražy z pracujučym ruchavikom — kali treba prahreć mašynu, vyhaniajcie jaje na adkrytaje pavietra.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary