U Smalenskaj vobłaści žychar vioski Olša (vioska znachodzicca na trasie, što viadzie ŭ Biełaruś) 14 śniežnia zastreliŭ z aŭtamata Kałašnikava dvuch čałaviek i paraniŭ troch pažarnych, jakija pryjechali tušyć padpalenyja im damy. Pra heta paviedamiła abłasnoje ŭpraŭleńnie Śledčaha kamiteta.
smoldaily.ru
Pa papiarednich dadzienych, śpiarša mužčyna padpaliŭ svoj dom, dzie, pa dadzienych SK, u hety momant znachodziłasia cieła jaho zahinułaj maci. Pry jakich abstavinach žančyna pamierła, u viedamstvie nie ŭdakładnili.
Paśla hetaha jon padpaliŭ dom susieda, a kali toj vyjšaŭ vonki, zastreliŭ jaho z aŭtamata Kałašnikava. Zatym jon «pačaŭ biazładnuju stralbu, zastreliŭ jašče adnaho žychara vioski», zajavili ŭ SK.
Kali na miesca zdareńnia pryjechali pažarnyja, mužčyna pačaŭ stralać u ich, paraniŭšy troch čałaviek. «Stupień ciažaru ranieńni ustaloŭvajecca, jany špitalizavany», - zajaviła pradstaŭnik viedamstva Nina Vasilkova.
Paśla prybyćcia palicyi mužčyna streliŭ u siabie i ŭ vyniku pamior u špitali, zajaviła Vasilkova.
SmolDaily.ru taksama paviedamlaje sa spasyłkaj na miascovych žycharoŭ, što ŭ vyniku pažaru zahinuła maci susieda. Paćvierdžańnia hetaj infarmacyi niama.