Prajšoŭ finał Vośmaha respublikanskaha konkursu sacyjalnych prajektaŭ Social Weekend, na jakim padtrymku atrymali 15 finalistaŭ z tych 160 prajektaŭ, jakija padali zajaŭki. Piać ź ich na sumu bolš za 20000 BYN padtrymaŭ asabista Juryj Mielničak, ciapier zasnavalnik IT-kampanii ŭ śfiery štučnaha intelektu.
Juryj Mielničak
U vieraśni 2016 hoda pačaŭsia pryjom zajavak na vośmy konkurs Social Weekend. Z usioj Biełarusi pastupiła 160 zajavak, ź ich u čverćfinał i na dvuchmiesiačny trek navučańnia patrapiła tolki 40 prajektaŭ. 24 ź ich prezientavali svaje idei i pieršyja dasiahnieńni pierad žury paŭfinału konkursu, u jakim byli kiraŭniki adździełaŭ markietynhu i pijaru viadomych kampanij i hałoŭnyja redaktary ŚMI.
Na finalnym mierapryjemstvie, jakoje prajšło 15 śniežnia 2016 hoda, 15 najbolš abhruntavanych prajektaŭ atrymali i materyjalnuju padtrymku na realizacyju ad miecenataŭ na sumu bolš 40000BYN. Pałova hetaj sumy pastupić ad Juryja Mielnička (AIMATTER, dadatak fab.by) piaci finalistam, u tym liku ŭładalnikam Hran-pry konkursu (prajekt «PapaZał») i Pryza hladackich simpatyj («Babulin časnyk»). Jašče try prajekty — heta «Čachły dla niedanošanych dzietak», jaki buduć adšyvać u reanimacyi radzilniaŭ pa ŭsioj Biełarusi; «Dastupny plaž» u Zelvie, dzie kožny šosty — małamabilny čałaviek; EdCamp — niekanfierencyja dla nastaŭnikaŭ pa abmienie pieradavym dośviedam i sučasnymi praktykami.
Prajekt «PapaZał» naradziŭsia ŭ Homieli i pryciahvaje tataŭ u spartzały škoł dla biaspłatnaha sumiesnaha praviadzieńnia času ź dziećmi. Mamy ŭ hety čas mohuć adpačyć. Za čas navučańnia adkryłasia jašče niekalki załaŭ u roznych haradach Biełarusi i navat u Razani (RF).
Aŭtary «Babulinaha časnyka» zadumalisia pra toje, jak možna dapamahčy piensijanieram lehalna i kamfortna pradavać svaju pradukcyju, a achvotnym spažyvać naturalnyja pradukty chutka, zručna i biaśpiečna rabić pakupki, padtrymlivajučy pry hetym stałych ludziej. Tak naradziłasia ideja stvareńnia internet-kramy «Babulin časnyk». Sotni apytanych ludziej vykazali zacikaŭlenaść u nabyćci vyrablenych piensijanierami praduktaŭ praź internet-kramu. Siarod žury pačałasia dyskusija ab mahčymaści lehalizacyi prodažu takoj pradukcyi ŭ našaj krainie i biaśpiecy spažyvańnia pradukcyi, ale aŭtary adrazu davali ŭžo pravieranyja na praktycy adkazy.
Juryj Zisier, zasnavalnik TUT.by, akaža dapamohu Muzieju ajčynnaj vyličalnaj techniki z unikalnym ekspanatam.
Leanid Łoźnier, suzasnavalnik EPAM Systems, daść šaniec chutkaha raźvićcia IT-škole dla tych, chto słaba čuje, jakaja navučaje sučasnym it-śpiecyjalnaściam i źmianiaje ład žyćcia ludziej u lepšy bok.
Alaksiej Ščurko, zasnavalnik Gurtam, pasadziejničaje źjaŭleńniu ŭnikalnaha kantentu ŭ prajekcie «Navuka dzieciam» z Homiela, jaki stvaraje vidoviščnyja i jakasnyja videaroliki dla nastaŭnikaŭ i vučniaŭ pa školnaj prahramie pryrodaznaŭčych navuk.
Alaksandr Knyrovič i Michaił Čuprynski dapamohuć źjavicca ŭ našych haradach pryhožym modulnymi niedarahim kanstrukcyjam. Heta buduć i zabaŭlalnyja placoŭki, i navat aharody ŭ dvarach, i sady na dachach.
Vital Dzienisienka, «Studyja Baravoha», padtrymaje prajekt pa etnahrafii Biełarusi, jaki źbiraje razroźnienyja i stračanyja histaryčnyja dadzienyja, a taksama likviduje volnuju, časam absalutna niasłušnuju, traktoŭku simvałaŭ tradycyjnaj kultury.
Aŭkcyjon dabračynnych spatkańniaŭ «Maje sens» padtrymaje prajekt KrokApp.
Volha Račko, mientar prajekta «Moj biznes», nie vystaŭlała naminacyi, ale pryniała rašeńnie dapamahčy prajektu #EtoNašiDieti stać ustojlivym i doŭhaterminovym, kab dzieci ź internataŭ mieli mahčymaść paznavać śviet za miežami svajoj ustanovy.
Daniel Krutcyna, jašče adzin mientar telešou «Moj biznes», dapamoža pryciahnuć inviestycyi mabilnamu dadatku Joiny.
***
Pryjom zajavak na novy, dziaviaty Social Weekend, pačniecca na aficyjnym sajcie ŭžo praź miesiac, z 16 studzienia 2017 hoda. Udzielničać u konkursie moža luby achvotny, zapaleny karysnaj hramadstvu idejaj.
U lutym arhanizatarami zapłanavany čarhovy chakaton sacyjalnych prajektaŭ, bo papiaredni staŭ adnym z najbujniejšych u Respublicy Biełaruś.
