«NTV — dałoŭ, Biełsat — damoŭ»: kala Administracyi prezidenta prajšła akcyja ŭ padtrymku telekanała
Kala Administracyi prezidenta prajšoŭ pikiet z nahody mahčymaha zakryćcia telekanała «Biełsat». Nahadajem, što polski ŭrad pryniaŭ rašeńnie pra źmianšeńnie datacyj na «Biełsat» na 2017 hod na dźvie traciny.
Videaanłajn:
Ahułam u akcyi ŭziali ŭdzieł vaśmiora čałaviek, siarod ich Pavieł Sieviaryniec, Anatol Labiedźka, Aleh Korban. Troje milicyjantaŭ skłali na ich pratakoły. Prysutničaŭ kamandzir minskaha AMAPa Dźmitryj Bałaba.
Aktyvisty skandavali «Bieź Biełsata budzie vata», «NTV — dałoŭ, Biełsat — damoŭ», «Łukašenka — nie, Ananič — nie, Karpienka — nie, Biełsat — tak», «Nie — ruskamu miru, nie — Ryžskamu miru».
Sieviaryniec zaklikaŭ milicyjanieraŭ i prakuroraŭ kajacca, kab biełaruski narod ich prabačyŭ.
Paśla akcyi, jakaja doŭžyłasia kala 50 chvilin, supracoŭnik Administracyi prezidenta zaprasiŭ Sieviarynca ŭ pryjomnuju. Razam z Paŭłam na pieramovy pajšli jašče čaćviora ŭdzielnikaŭ akcyi. Žurnalistam prysutničać nie dazvolili.
Pa słovach Sieviarynca, u Administracyi jany pakinuli piśmovuju zajavu z patrabavańniem adklučyć rasijskija kanały i ŭklučyć «Biełsat» u biełaruskuju sietku viaščańnia.
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia6
Kamientary