Fota Mikity Niedavierkava
U pieršaj pałovie tydnia nadvorje budzie farmavać cykłon, jaki źmiaščajecca z Bałtyjskaha mora praz našy paŭnočna-ŭschodnija rajony. Jon pryniasie vietranaje nadvorje i adlihu.
Na aŭtorak, 27 śniežnia, abvieščany aranžavy ŭzrovień niebiaśpieki. Čakajucca apadki ŭ vyhladzie mokraha śniehu i daždžu. Na asobnych učastkach daroh hałalodzica. Nočču pa zachadzie krainy, u dzionnyja hadziny na bolšaj častcy terytoryi čakajecca ŭzmacnieńnie vietru paryvami da 15—20 m/s, dniom pa Bresckaj i Hrodzienskaj abłaściach paryvy da 22 m/s. Tempieratura na praciahu sutak -1 — +4°S.
U sieradu, 28 śniežnia, taksama mocny paryvisty viecier. Na bolšaj častcy terytoryi krainy prahnazujecca karotkačasovy śnieh, mokry śnieh. U asobnych rajonach miacielica, słaby hałalod, na darohach hałalodzica. Nočču i ranicaj na značnaj častcy krainy, dniom u asobnych rajonach uzmacnieńnie vietru paryvami da 15-20 m/s. Tempieratura na praciahu sutak -5 — +2°S
Z čaćviarha i da kanca tydnia z rostam atmaśfiernaha cisku nadvorje palepšycca: viecier ścichnie i apadkaŭ stanie mienš, a tempieratura krychu panizicca.
U čaćvier, 29 śniežnia, nočču i ranicaj u asobnych rajonach krainy nievialiki karotkačasovy śnieh. Dniom pieravažna biez apadkaŭ. Na asobnych učastkach daroh hałalodzica. Tempieratura nočču -3 — -9°S, dniom 0 — -5°S.
U piatnicu, 30 śniežnia, pieravažna biez apadkaŭ, tolki ŭ paŭnočnych rajonach krainy mahčymy karotkačasovy śnieh, dniom mokry śnieh. U asobnych rajonach respubliki słabyja tuman i hałalod, na darohach hałalodzica. Tempieratura nočču 0 — -7°S, pry prajaśnieńniach da -9°S, dniom -4 — +2°S.
U śviatočnyja vychodnyja budzie spakojnaje nadvorje. U navahodniuju noč, pavodle papiarednich prahnozaŭ, čakajecca nievialiki maroz.
