Nadvorje na Novy hod budzie syrym i vietranym. Zapuskać fiejervierki budzie niebiaśpiečna

Novy 2017 hod pačniecca ŭ Biełarusi ź ciopłaha i syroha nadvorja, paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.

Pavodle jaho słoŭ, siaredniaja tempieratura čakajecca na 5—7°S vyšejšaj za normu. Umovy nadvorja na terytoryi Biełarusi ŭ asnoŭnym budzie vyznačać ciopłaja, vilhotnaja niaŭstojlivaja pavietranaja masa atłantyčnaha pachodžańnia.

U subotu, 31 śniežnia, vobłačna. U asobnych rajonach, pieravažna pa paŭnočna-ŭschodniaj pałovie krainy, nievialikija apadki (mokry śnieh, doždž), słaby hałalod. U asobnych rajonach słaby tuman, na darohach hałalodzica. Viecier zachodni 5—10 m/s, pa paŭnočnym uschodzie paryvy da 14 m/s. Tempieratura nočču minus 5—plus 1°S, dniom minus 1 — plus 5°S.

U Minsku vobłačna, bieź istotnych apadkaŭ, słabyja tuman i hałalod. Na asobnych učastkach daroh hałalodzica. Viecier zachodni 5—10 m/s. Tempieratura nočču minus 1—3°S, dniom 0 — plus 2°S.

U niadzielu, 1 studzienia, u asobnych rajonach, pieravažna pa paŭnočna-ŭschodniaj pałovie respubliki, nievialikija apadki ź pieravahaj daždžu. U asobnych rajonach tuman. Hałalod, na darohach hałalodzica. Tempieratura nočču minus 4 — plus 3°S, dniom minus 2 — plus 4°S.

U Minsku vobłačna, nievialikija apadki, mokry śnieh, doždž, słabyja tuman i hałalod. Na asobnych učastkach daroh hałalodzica. Viecier zachodni 5—10 m/s. Tempieratura nočču minus 1 — plus 1°S, dniom 0 — plus 2°S.

U paniadziełak, 2 studzienia, nočču ŭ asobnych rajonach, dniom pieravažna pa paŭnočna-zachodniaj pałovie krainy nievialikija karotkačasovyja apadki ź pieravahaj mokraha śniehu. Nočču i ranicaj u asobnych rajonach tuman, hałalod. Na asobnych učastkach daroh hałalodzica. Ranicaj i dniom u asobnych rajonach uzmacnieńnie vietru paryvami da 15—18 m/s. Tempieratura nočču minus 6 — plus 1°S, dniom minus 3 — plus 2°S.

U Minsku vobłačna, mahčymy nievialikija karotkačasovyja apadki, u asnoŭnym mokry śnieh, słabyja tuman i hałalod, na asobnych učastkach daroh hałalodzica. Viecier zachodni 5—10 m/s. Tempieratura nočču minus 1—3°S, dniom minus 1 — plus 1°S.

Sinoptyk papiaredžvaje: u navahodnija dni budzie vietranaje nadvorje, niespryjalnaje dla zapusku fiejervierkaŭ. Viecier čakajecca kala 5—10 m/s, ale paryvy ŭ niekatorych rajonach dasiahnuć 14 m/s.

Pavodle dadzienych sinoptykaŭ, ciapier ledzianyja ŭtvareńni adsutničajuć na rekach basiejnaŭ Niomana, Vilii i Zachodniaha Buha, u viarchoŭi Prypiaci i niekatorych jaje prytokach. Ledastaŭ i ledastaŭ z pałonkami zachoŭvajecca na Sožy, bolšaj častcy Dniapra, asobnych učastkach Zachodniaj Dźviny i Biareziny. Na voziery Narač, Zasłaŭskim, Vilejskim i Čyhirynskim vadaschoviščach nazirajecca ledastaŭ, miescami adznačajucca pałonki, u ledzianym pokryvie źjavilisia raskoliny. Vychodzić na lod vielmi niebiaśpiečna.

• 0
• 0
• 0
• 0
• 0
• 0
• 0
• 0