U AAT «Biełaruśkalij» raskryli akaličnaści niaščasnaha vypadku na vytvorčaści, jaki pryvioŭ da śmierci rabočaha, — jon byŭ traŭmavany kavałkam hornaj parody.
«3 studzienia 2017 hoda ŭ 16.30 na 13-m paŭnočna-zachodnim słupie haryzontu «-620 mietraŭ» rudnika treciaha rudaŭpraŭleńnia ŭ łavie № 10-v-3, projdzienaj ŭ składanych horna-hieałahičnych umovach, zdaryŭsia niaščasny vypadak sa śmiarotnym zychodam z hornarabočym ačyščalnaha zaboju padziemnaha hornaha ŭčastka № 8 Štylovym U., 1965 h. n. Paśla vykanańnia rabot pa raźbiŭcy niehabarytnych kavałkaŭ parody na stavie zabojnaha kanviejera, pry ruchu pa hornaj vypracoŭcy, zdaryłasia adsłajeńnie parody z adpracavanaj prastory łavy. U vyniku padzieńnia kavałka parody rabotnik byŭ śmiarotna traŭmavany», — paviedamiła pres-słužba «Biełaruśkalija».
Rudnik i fabryka treciaha rudaŭpraŭleńnia pracujuć u štatnym režymie, technałahičny praces nie parušany. «Biełaruśkalij» vykazaŭ spačuvańni rodnym i blizkim zahinułaha.
Salihorskim rajonnym adździełam SK raspačataja sprava pa fakcie parušeńnia praviłaŭ biaśpieki hornych rabot, što paciahnuła pa nieaściarožnaści śmierć čałavieka (č. 2 art. 303 KK).
Hetaja hibiel rabočaha — pieršy aficyjna paćvierdžany niaščasny vypadak u kampanii ŭ 2017 hodzie. Letaś na «Biełaruśkalii» zahinuli i byli traŭmavanyja niekalki čałaviek.
Ciapier čytajuć
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie3
Kamientary