Federalny kancler Hiermanii Anhieła Mierkiel padtrymlivaje rabotu kiraŭnika MUS Tomasa de Mieźjera pa ŭdaskanaleńni zakonaŭ u halinie ŭnutranaj biaśpieki. Z takoj zajavaj vystupiŭ namieśnik aficyjnaha pradstaŭnika ŭrada FRH Hieorh Štrajter na bryfinhu ŭ Bierlinie.
Hieorh Štrajter adznačyŭ, što ciapier čas novych vyprabavańniaŭ, pry hetym hałoŭnaje pytańnie ŭ tym, jak na ich adekvatna reahavać.
Raniej ministr unutranych spraŭ FRH Tomas de Mieźjer apublikavaŭ u haziecie Frankfurter Allgemeine Zeitung artykuł, u jakim prapanoŭvaŭ pradastavić bolš paŭnamoctvaŭ fiederalnaj palicyi, a taksama arhanizavać praces vysyłki tych mihrantaŭ, čyje zajaŭki na atrymańnie statusu biežanca byli adchileny.
Abmierkavańnie ŭdaskanaleńnia zakonaŭ u śfiery ŭnutranaj biaśpieki ŭ Hiermanii prachodzić u tym liku ŭ suviazi teraktam, jaki byŭ učynieny ŭ Bierlinie ŭ śniežni 2016 hoda i zabraŭ žyćci 12 čałaviek. Padazrony va ŭčynieńni terakta Anis Amry pryjechaŭ u FRH jak biežaniec.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)