U 2017 hodzie na «Biełsacie» budzie jašče bolš muzyki. Novaja prahrama «Belsat Music Live» pakaža sučasnych vykanaŭcaŭ, jakija syhrajuć žyŭcom u studyi, a taksama raspaviaduć pra svajo žyćcio i tvorčaść.
Sa studzienia kožny tydzień na «Biełsacie» buduć vystupać samyja cikavyja muzyki ź Biełarusi (i nie tolki). Siarod ich novyja, maładyja hurty i vieterany sceny. U kožnaj sieryi muzyki zajhrajuć try kampazicyi — novyja tvory i ŭžo dobra viadomyja publicy pieśni. Vieści prahramu buduć muzyčnyja žurnalisty Siarhiej Budkin i Mira Šulc.
U pieršaj sieryi «Belsat Music Live» vystupiać dva hurty — «Vuraj» i «Pałac». Pieršy ź ich paŭstaŭ u Minsku ŭ 2010 hodzie i z taho času ekśpierymientuje z aŭtentyčnym śpieŭnym materyjałam, stvarajučy novyja tvory admysłovaha hučańnia. Kultavy ŭžo «Pałac» isnuje z 1992 hoda, hraje ŭ styli fołk-madern, biełaruskija pieśni apracoŭvaje ŭ adpaviednaści z sučasnymi tendencyjami papularnaj muzyki z vykarystańniem sempłaŭ.
Prahramu «Belsat Music Live» hladzicie na «Biełsacie» štosubotu a 20:15, a taksama anłajn.
Ciapier čytajuć
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3636
Kamientary