Daktary raspaviali pra rasstreły pratestoŭcaŭ u Iranie: siłaviki celili ŭ vočy
Iranskija siłaviki padčas zdušeńnia pratestaŭ metanakiravana stralali demanstrantam u vočy, hałavu i hrudzi, piša BILD sa spasyłkaj na rasśledavańnie vydańnia The Sunday Times, zasnavanaje na śviedčańniach miedykaŭ i vidavočcaŭ.
Iranska-niamiecki aftalmachirurh, prafiesar Amir Parasta, zajaviŭ vydańniu pra «absalutna novy ŭzrovień žorstkaści».
Pavodle słoŭ miedyka, tolki tehieranskaja klinika Noor zafiksavała kala 7 tysiač ahniastrelnych traŭm vačej.
«U nas tak šmat ranieńniaŭ vačej, što my nie viedajem, kaho lačyć pieršym», — raspavioŭ adzin z daktaroŭ.
«Za adnu noč u Tehieranie pryjšłosia vydalić bolš za 800 vačej z-za ranieńniaŭ. Pa ŭsioj krainie kolkaść aślepłych moža pieravyšać 8 tysiač», — paviedamiła inšaja krynica.
«Stralali ludziam u patylicu z dachaŭ. Kali my sprabavali dapamahčy paranienym, pa nas adkryli ahoń», — apisvajuć vidavočcy pracu snajpieraŭ.
Internet u Iranie adklučany z 8 studzienia, adnak śviedčańni, fota i videa ŭsio ž prasočvajucca praz spadarožnikavuju suviaź Starlink. Ułady pryznajuć kala 5 tysiač zahinułych, ale daktary kažuć pra kudy bolšyja maštaby hvałtu.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj77
Kamientary
Ja razumieju, što heta prosta kopiju artykuła napisanaha inšymi ludźmi, ale ž treba niejak udakładniać samim jak tak stałasia, što paśla strełaŭ u vočy, ludzi zastavalisia žyvymi?
Na kolki ja razumieju, havorka idzie pra ahoń pa pratestoŭcach humovymi kulami, bo kali b kuli byli bajavymi, kožnaje papadańnie kulaj u voka, heta chedšot i śmierć.