Mocnyja marazy va Ukrainie stali pryčynaj hibieli 40 čałaviek na praciahu tydnia. Za minułyja sutki pamierli 11 čałaviek ad pieraachaładžeńniaŭ i abmaražeńniaŭ. Pra heta paviedamiła načalnik upraŭleńnia ekstrahnaj miedycynskaj dapamohi i miedycyny katastrof Ministerstva achovy zdaroŭja Ukrainy Taćciana Cimašenka padčas bryfinhu ŭ Kijevie, piša Ukrinfarm.
«Pa stanie na siońniašniuju ranicu 869 čałaviek źviarnulisia pa dapamohu va ŭstanovy achovy zdaroŭja, ź ich špitalizavanyja 753 čałavieki, i, na žal, my majem 40 śmiarotnych vypadkaŭ. Pa stanie na siońnia heta 40 čałaviek, učora było 29 čałaviek», — skazała Taćciana Cimašenka.
Jana ŭdakładniła, što z 40 śmiarotnych vypadkaŭ u miedustanovach pamierli try čałavieki, na vulicy — 27 čałaviek, u damach — 10.
Taćciana Cimašenka adznačyła, što bolš za ŭsio čałaviek zahinuli ŭ Roŭnienskaj, Lvoŭskaj i Mikałajeŭskaj abłaściach. Pry hetym asnoŭnaj pryčynaj hibieli ludziej u Ministerstvie achovy zdaroŭja nazvali zamiarzańnie ŭ niećviarozym stanie.
Ciapier čytajuć
Stała viadoma, što ciapier adbyvajecca z palitviaźniem Jurasiom Ziankovičam, jakoha vyzvalili pa prośbie ZŠA6
Kamientary