Fota Siarhieja Hudzilina
Pra heta TUT.BY raspavioŭ načalnik słužby mietearałahičnych prahnozaŭ Respublikanskaha centra pa hidramietearałohii Dźmitryj Rabaŭ.
Pavodle apošnich źviestak, u Biełarusi zachoŭvajecca śniežnaje pokryva vyšynioj ad 4 sm da 23 sm. Pryrost śniehu ŭ vychodnyja čakajecca na 4—8 sm.
Takija ŭmovy nadvorja na terytoryju Biełarusi pryniasuć aktyŭnyja atmaśfiernyja franty ad cykłona nad Finskim zalivam.
U subotu, 14 studzienia, vobłačna, apadki — u asnoŭnym śnieh, mokry śnieh. Ranicaj i dniom na bolšaj častcy terytoryi Biełarusi mocny mokry śnieh. U asobnych rajonach nalipańnie mokraha śniehu, słabyja tuman i hałalod, na darohach hałalodzica. Viecier paŭdniovy 5-10 m/s, paryvy da 14 m/s. Tempieratura nočču -1 — -7°S, dniom -3 — +2°S.
U Minsku budzie vobłačna. Čakajucca śnieh, mokry śnieh, ranicaj i dniom časam mocny mokry śnieh. U asobnych rajonach horada nalipańnie mokraha śniehu, słabyja tuman i hałalod, na darohach hałalodzica. Viecier paŭdniovy 5-10 m/s, paryvy da 12 m/s. Tempieratura nočču -2 — -4°S, dniom 0 — -2°S.
15 studzienia, u niadzielu, nadvorje palepšycca, Biełarusi zastaniecca ŭ poli panižanaha atmaśfiernaha cisku i pad upłyvam ŭžo małaaktyŭny frantalnych sistem. Na bolšaj častcy terytoryi karotkačasovy śnieh. Na asobnych učastkach daroh hałalodzica. Tempieratura nočču -2, -8 ° S, dniom 0, -5 ° S.
U Minsku vobłačna. Karotkačasovy śnieh, słabyja tuman i hałalod, na darohach hałalodzica. Viecier paŭdniovy 5-10 m/s. Tempieratura nočču -3 — -5°S, dniom kala -3°S.
U pačatku tydnia čakajecca pastupovaje panižeńnie tempieratury pavietra.
Nadvorje ŭ krainie budzie vyznačać u asnoŭnym vobłaść vysokaha atmaśfiernaha cisku, sfarmiravanaha ŭ chałodnaj pavietranaj masie, i małaaktyŭnyja franty.
U paniadziełak, 16 studzienia, u asobnych rajonach Biełarusi čakajecca nievialiki karotkačasovy śnieh, słaby tuman, šerań, na darohach hałalodzica. Tempieratura nočču -4 — -10°S, dniom -2 — -7°S.