14 studzienia kala 21:30 na Centralnaj vulicy ŭ ahraharadku Kiraŭski Viciebskaha rajona pad koły mašyny chutkaj miedycynskaj dapamohi trapiła dzicia 2 hadoŭ 8 miesiacaŭ.
Pa fakcie hetaha DTZ pravodzicca pravierka Viciebskim rajonnym adździełam Śledčaha kamiteta, paviedamiła Narodnym navinam Viciebska aficyjny pradstaŭnik USK pa Viciebskaj vobłaści Śviatłana Sacharava.
Padrabiaznaści zdareńnia paviedamlaje kp.by
— Kala 21:30 dziaŭčynka hulała razam sa svajoj mamaj i ciotkaj. Ciotka viezła na trochkutnych nadzimanych sankach jaje i svajo dzicia. U niejki momant žančyna paskoryła ruch, kab prakacić dziaciej chutčej, i nie zaŭvažyła, jak plamieńnica vypała z sanak. Śledam jechała mašyna «Chutkaj dapamohi», - raspaviała aficyjny pradstaŭnik USK pa Viciebskaj vobłaści Śviatłana Sacharava.
Dziaŭčynka była apranuta ŭ biełuju kurtku, i kiroŭca «Chutkaj» zaŭvažyŭ dzicia nie adrazu, a kali ŭbačyŭ, zatarmazić ŭžo nie paśpieŭ, ale paśpieŭ ździejśnić manieŭr, kab prapuścić lažačaje dzicia pamiž kołami mašyny, raspaviała Śviatłana Sacharava. Dziaŭčynka špitalizavana z zakrytaj čerapna-mazhavoj traŭmaj i udaram hałaŭnoha mozhu.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary