Maładziečanskim rajonnym adździełam Śledčaha kamiteta zavieršana rasśledavańnie kryminalnaj spravy ŭ dačynieńni da miascovaha žychara, jaki abvinavačvajecca ŭ ździajśnieńni machlarskich dziejańniaŭ, paviedamlaje sk.gov.by.
Rasśledavańniem ustanoŭlena, što žychar Maładziečanskaha rajona, 1989 hoda naradžeńnia, padčas adbyćcia pakarańnia ŭ vyhladzie papraŭčych rabot za ździajśnieńnie złačynstva suprać ułasnaści taksama pryčyniŭ hramadzianam majomasnuju škodu.
Na roznych sajtach u internecie mužčyna znachodziŭ abjavy pra prodaž aŭtamabilaŭ i, spasyłajučysia na roznyja siamiejnyja i finansavyja abstaviny, pierakonvaŭ hramadzian pradać majomaść u rasterminoŭku. U chodzie asabistych sustreč jon pakidaŭ paciarpiełym minimalny pieršapačatkovy ŭznos, a astatnija hrašovyja srodki abiacaŭ addać na praciahu abumoŭlenaha terminu zhodna z napisanaj raśpiskaj. Nie majučy namieraŭ vykonvać abaviazacielstvy, mužčyna zvodziŭ da minimumu dalejšyja znosiny, a nabytyja i navat nie pieraaformlenyja aŭtamabili pradavaŭ, havorycca ŭ paviedamleńni pres-słužby Śledčaha kamiteta
Taksama paciarpiełymi pryznanyja hramadzianie, u jakich fihurant anałahičnym sposabam vykraŭ darahija mabilnyja telefony.
Pa dadzienych śledstva, ź lipienia 2015 pa lipień 2016 abvinavačany nie raźličyŭsia za aŭtamabili, mabilnyja telefony i inšuju majomaść, atrymanuju ad 21 hramadzianina, na ahulnuju sumu kala 30 000 rubloŭ.
U ramkach kryminalnaj spravy praviedzieny pieratrusy, kanfiskacyi, dopyty śviedak i paciarpiełych, šerah ekśpiertyz. Z ulikam koštu vyjaŭlenych u chodzie śledstva aŭtamabilaŭ, sum pieršapačatkovych uznosaŭ i nastupnych vyrablenych abvinavačanym vypłat, pryčynienuju paciarpiełym majomasnaja škoda kampiensavana na ahulnuju sumu zvyš 21 000 biełaruskich rubloŭ.
Dziejańni abvinavačanaha kvalifikavany śledstvam pavodle art.416 (złosnaje ŭchileńnie asudžanaha ad adbyćcia pakarańnia ŭ vyhladzie papraŭčych rabot) i č.4 art.209 (machlarstva, ździejśnienaje paŭtorna ŭ asabliva bujnym pamiery) Kryminalnaha kodeksa Respubliki Biełaruś. U dačynieńni da abvinavačanaha ŭžyta miera strymańnia ŭ vyhladzie zaklučeńnia pad vartu.
Kryminalnaja sprava pieradadziena ŭ prakuraturu dla nakiravańnia ŭ sud.
