Urad choča, kab užo sioleta biełarusy kampiensavali 75% vydatkaŭ na ŽKP, u nastupnym — 100%
Kamunalnyja słužby šukajuć šlachi źnižeńnia vydatkaŭ na žyllova-kamunalnyja pasłuhi, ale taryfy nieminuča vyrastuć. Užo ŭ hetym hodzie biełarusy buduć kampiensavać 75% vydatkaŭ, a ŭ nastupnym — 100%. Takaja infarmacyja prahučała ŭ viačernim efiry prahramy «Našy naviny» na telekanale ANT.
«Žyllova-kamunalnyja pasłuhi vyrastuć u canie. U hetym hodzie nasielnictva budzie kampiensavać ŭžo try čverci vydatkaŭ, a ŭ nastupnym — 100%. Rost taryfaŭ nie ŭdaryć pa sacyjalna nieabaronienych słajach nasielnictva — im dapamohuć žyllovymi subsidyjami», — paviedamili ŭ efiry.
Taksama było adznačana, što płacić mienš buduć i tyja, chto pastavić ličylniki na batarei i admovicca ad śmiećciepravoda. Kamunalnyja słužby taksama šukajuć šlachi źnižeńnia vydatkaŭ.
Zaraz biełarusy kampiensujuć bolš za 60% vydatkaŭ na žyllova-kamunalnyja pasłuhi. Vice-premjer Anatol Kalinin u kancy minułaha hoda taksama adznačyŭ, što rostu taryfaŭ na žyllova-kamunalnyja pasłuhi nie budzie.
«Ja nie mahu prahnazavać na ŭvieś hod, ale chaču skazać, što płanujecca i pastaŭlena zadača kiraŭnikom dziaržavy, siońnia my majem u našym pierśpiektyŭnym płanie tolki 5 dalaraŭ pavyšeńnia [u studzieni 2017 hoda). Usio astatniaje — tolki za košt źnižeńnia vydatkaŭ», — rastłumačyŭ Anatol Kalinin.
Nahadajem, rost taryfaŭ na ŽKH — adna z umoŭ vydačy kredytu ad MVF. U listapadzie 2016 hoda Alaksandr Łukašenka ŭ čarhovy raz vykazaŭ svaju niazhodu z pazicyjaj MVF, jaki patrabuje ad Biełarusi pavysić ceny na kamunalnyja pasłuhi.
«MVF patrabuje: siońnia 75%, zaŭtra 100% nasielnictva pavinna płacić za ŽKH, tady damo 3 miljardy kredyt. Ja kažu: «Dobra, siońnia 100% zrobim, zaŭtra buduć dzikija niepłaciažy». Tut treba iści vielmi akuratna. I my damovilisia - kožny hod dadajem pa 5 dołaraŭ. Kali raptam adbudziecca abvał, inflacyja, my ŭsio paličym i prezident ukazam zaćvierdzić», — zajaviŭ jon.
Ciapier čytajuć
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami1919
Kamientary