Chip Somodevilla / Getty Images
20 studzienia ŭ Vašynhtonie adbyłasia ŭračystaja cyrymonija inaŭhuracyi 45-ha prezidenta ZŠA Donalda Trampa.
U 9:30 pa miascovym časie (17:30 pa Minsku) Donald Tramp i novy vice-prezident Majk Piens z žonkami prybuduć u Bieły Dom, a ŭ 11:30 (19:30 pa Minsku) pačniecca cyrymonija pryniasieńnia prysiahi na viernaść novaha kiraŭnika dziaržavy suhramadzianam.
Taksama Tramp pa tradycyi vystupić sa zvarotam da krainy, paśla čaho adbudziecca inaŭhuracyjny parad pa Piensilvanija-avieniu ad Kanhresa da Biełaha doma. Uviečary adbudziecca śviatočny pryvitalny kancert la miemaryjała Linkalnu, u ramkach jakoha vystupiać viadomyja amierykanskija artysty.
Na inaŭhuracyju budzie vydatkavana 200 miljonaŭ dalaraŭ, i heta źjaŭlajecca absalutnym rekordam dla amierykanskich prezidentaŭ. Sačyć za biaśpiekaj na mierapryjemstvach budzie palicyja akruhi Kałumbija, Sakretnaja słužba ZŠA i inšyja fiederalnyja pravaachoŭniki, u tym liku 3 tysiačy aficeraŭ palicyi ź inšych rehijonaŭ i 5 tysiač nachvardziejcaŭ.
«NN» prapanuje vam niekalki anłajn-tranślacyj na vybar, a taksama budzie źbirać samyja cikavyja detali z cyrymonii.