Vialikaja častka pieradačy «Kłub redaktaraŭ» na telekanale «Biełaruś-1» była pryśviečanaja infarmacyi telekanała «Biełsat» ab tym, što kala vioski Šaršuny znojdzienaja novaja rezidencyja kiraŭnika Biełarusi.
«Heta ŭsio chłuśnia! Vydumku «Biełsata» abvierhli inšyja ŚMI. Akazałasia, što nadzieł daŭno vykupleny adnym rasijskim biznesoŭcam. Ale sprava zroblenaja! Bolš sta tysiač kamientaroŭ na jutubie [mabyć, nie kamientaroŭ, a prahladaŭ - «NN»]. I jakich kamientaroŭ? Narod usio bolš biadnieje, a hety sabie nabudavaŭ. Na «Biełsacie» navat abviaržeńnia niama», — skazaŭ kiraŭnik Biełteleradyjokampanii Hienadź Davydźka.
Paśla hetych słovaŭ Davydźka vyrašyŭ papyrskać vakoł aśviažalnikam pavietra. «Kab nie pachła takimi navinami, takoj chłuśnioj. Ja chaču padaryć «Biełsatu» hety bałončyk, kab paśla kožnaha infarmacyjnaha ŭkidu jany aśviažali vakoł siabie pavietra».
«Asadačak zastaŭsia, naŭrad ci niechta budzie čytać abviaržeńnie ŭ inšych ŚMI. Da honaru resursu, adyjoznaha taksama, «Naša Niva», jany praviali svajo rasśledvańnie i abvierhli hetuju infarmacyju. Što tyčycca majomaści prezidenta, navat nie prezidenta, a Respubliki Biełaruś. Isnujučyja rezidencyi naležać narodu. A hetaje nizkaje smakavańnie», — skazaŭ Davydźka.
Redaktar «Arhumientaŭ i faktaŭ u Biełarusi» Ihar Sakałoŭ u svaju čarhu kazaŭ pra toje, kali b hety abjekt byŭ bolš adkryty, to takoj situacyi nie ŭźnikła b.
«Słova «fejk» mnie nie padabajecca, mnie padabajecca słova «chłuśnia». Ale «fejk» pryhoža hučyć, jak «hiej», — kazaŭ Davydźka.
«Ciapier šmat havoryć pra paciapleńnie ź Jeŭrapiejskim sajuzam, z Polščaj. Jość situacyja, žurnalisty polskaha kanała hojsajuć pa biełaruskich lasach i sprabujuć znajści siensacyju, źviazanuju z prezidentam. Ja nie mahu sabie ŭjavić situacyi, kali b žurnalisty BT nablizilisia da dziaržaŭnych budynkaŭ, što znachodziacca ŭ mazoŭskich bałotach, ci varšaŭskich pradmieściach. Heta b adrazu stała nahodaj dla razmovaŭ ab abmiežavanych infarmacyjnym suvierenitecie luboj krainy. Čamu polskija, amierykanskija, novaziełandskija, izrailskija žurnalisty… Pryčym nieakredytavanyja, nijakija heta nie žurnalisty. Heta ŭžo pierachodzić u jurydyčnuju śfieru, śfieru biaśpieki, palicyi», — kaža redaktar «Sovietskoj Biełoruśsii» Pavieł Jakubovič.
«My bačym padbuchtorvańnie, niemałady niedarasl Chaščavacki piša na «Chartyi», što Łukašenka rychtuje sabie miescy, dzie budzie chavacca, kali narod vyjdzie na vulicy. Znoŭ mnie chočacca paciahnucca pa aśviažalnik», — nie sunimaŭsia Davydźka.
