Kiroŭca biez pravoŭ uciakaŭ ad DAI i zachras na čyhunačnym pierajeździe, mašynistu nadychodziačaha ciahnika daviałosia ekstranna tarmazić. Takaja infarmacyja raźmieščanaja na sajcie DAI UUS Bresckaha abłvykankama.
gaibrest.by
32-hadovy žychar Pinskaha rajona na aŭtamabili «Reno» jechaŭ pa vuł. Čyhunačnaj u vioscy Pinkavičy. Ubačyŭšy napieradzie patrulny aŭtamabil DAI, mužčyna spałochaŭsia adkaznaści. Jon prajechaŭ čyhunačny pierajezd i rezka paviarnuŭ naleva. Manieŭr nie atrymaŭsia: «Reno» zachras u śniezie, zabłakavaŭšy prajezd dla čyhunačnaha transpartu.
«Usie sproby mužčyny samastojna zrušyć mašynu ź miesca akazalisia biespaśpiachovymi. Vastryniu situacyi dadaŭ nadychodziačy ciahnik. Mašynist byŭ vymušany prymianić ekstrannaje tarmažeńnie. Transpartnyja srodki i ludzi nie paciarpieli. U dačynieńni da kiroŭcy składzienyja administracyjnyja materyjały pa č. 2 art. 18.19, č. 1 art. 18.22, č. 9 art. 18.12 Kaap. Aŭtamabil patrapiŭ na štrafstajanku», — paviedamili ŭ DAI.
