Maskva pačała aryšty siarod kamandavańnia svajoj kibierarmii
Pa adnoj i toj ža spravie byli aryštavanyja kiraŭnik adnaho z kibierpadraździaleńniaŭ FSB RF i top-mieniedžar «Łabaratoryi Kaśpierskaha», piša rasijski «Kommiersant'».
Rusłan Stajanaŭ z «Łabaratoryi Kaśpierskaha» kiravaŭ adździełam pa vyjaŭleńni kibierzłačynstvaŭ, Siarhiej Michajłaŭ byŭ namieśnikam kiraŭnika Centra infarmacyjnaj biaśpieki FSB.
Rasśledavańnie Upraŭleńnia ŭłasnaj biaśpieki FSB viadziecca pa padazreńni ŭ parušeńni art. 275 KK RF («Dziaržaŭnaja zdrada»), raspaviała krynica haziety.
Krynicy haziety, blizkija da FSB i internet-biznesu, paviedamili, što praviarajecca infarmacyja pra atrymańnie supracoŭnikam CIB FSB hrošaŭ ad adnoj z zamiežnych arhanizacyj.
«Hety čałaviek, na moj pohlad, šmat u čym niefarmalna vyznačaje palityku ŭsioj haliny kibierbiaśpieki i internet-kamiercyi», - raspavioŭ pra Michajłava zasnavalnik płaciežnaj sistemy Chronopay Pavieł Urubleŭski.
Adździeł pa vyjaŭleńni kibierzłačynstvaŭ «Łabaratoryi Kaśpierskaha» aficyjna supracoŭničaŭ z FSB i MUS RF z 2013 hoda. Sam Stajanaŭ da 2006 hoda pracavaŭ u Upraŭleńni śpiecyjalnych techničnych mierapryjemstvaŭ (Upraŭleńnie «K») HUUS Maskvy.
Pavodle mierkavańnia krynic RBK, sprava — vynik supraćstajańnia ŭnutry śpiecsłužby, spabornictvam pamiž CIB FSB i Centram abarony infarmacyi i śpiecyjalnaj suviazi FSB.
Aryštavanyja mahli być źviazanyja z chakierskaj hrupoŭkaj «Šałtaj-Bałtaj», zajaviła krynica telekanała «Caŕhrad», jaki naležyć miljanieru Kanstancinu Małafiejevu.
Chakierskaja hrupa «Šałtaj-Bałtaj», jakaja, pa mierkavańni ekśpiertaŭ «Caŕhrada», źviazanaja z CRU ZŠA, padazrajecca u šmatrazovym uzłomie kampjutarnych danych rasijskaj palityčnaj elity.
Małafiejeŭ źviazany z rasijskimi śpiecsłužbami i adkryta padtrymlivaŭ antyŭkrainskija ŭzbrojenyja farmiravańni na Danbasie.
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m2
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary