Hramadstva1717

Zoaabaroncy napisali zajavu na haspadara doma, na kanapie jakoha pamior łoś

Zoabaroncy abvinavacili babrujčanina, u dom jakoha ŭvarvaŭsia łoś i pamior tam, — u žorstkim abychodžańni z žyviołaj.

Zdareńnie adbyłosia 25 maja ŭ Babrujsku. Da miascovaha žychara Siarhieja Varoniča ŭ niadzielu ranicaj zabryŭ łoś, razahnaŭsia, prabiŭ akno na pieršym paviersie doma i pačaŭ kidacca pa pakojach.

Jon mocna paraniŭsia ab škło, paźniej loh na łožak, dzie praź niekalki hadzin pamior ad straty kryvi. 

Zoaabaroncy ličać, što haspadar žorstka abyšoŭsia z žyviołaj.

Padstavaj dla ich zajavy ŭ milicyju stała videa, jakoje źjaviłasia ŭ TikTok. Na im mužčyna, pavodle zoaabaroncaŭ, ciahnie miortvaha łasia za nohi praz dvor, a potym pnuŭ jaho ŭ hałavu (znajści heta videa nie ŭdałosia).

Aŭtarka pasta — karystalnica pad nikam @priyut_dobrodetel_blr — rascaniła heta jak akt žorstkaści.

@priyut_dobrodetel_blr

♬ orihinalnyj zvuk - Prijut Dobrodietiel h.Bobrujsk

Jana taksama aburyłasia, što ŭsio adbyvałasia na vačach u dziaciej, što, na jaje dumku, moža sfarmavać u ich «madel žorstkich pavodzin».

Natalla, haspadynia doma, dzie adbyłosia zdareńnie, u kamientary vydańniu «Silnyje Novosti» raskazała, što jany z mužam byli šakavanyja, kali daviedalisia pra zajavu — da ich pryjšoŭ śledčy na apytańnie.

Samo videa im taksama pakazali. Žančyna raspaviadaje, što źniata jano zdalok, prykładna sa 100 mietraŭ, i padpisana jak «Haspadar doma šturchnuŭ miortvaha łasia, ale jaho možna zrazumieć».

Natalla kaža, što šakavanaja zajavaj. Łoś važyŭ kala 300 kiłahramaŭ, i ŭ adzinočku jaho ciahnuć nie zmoh by navat darosły mužčyna. Na videa trapiŭ momant, dzie muž padciahvaje jaho ŭ bramcy, kali ŭžo ŭsie vyjšli.

Pa hałavie łasia jon taksama nie biŭ — Natalla śćviardžaje, što muž adsunuŭ nahoj kamień, što zvyčajna padpiraje dźviery.

Nakont taho, što śviedkami situacyi stali dzieci, babrujčanka tłumačyć: jaje dzieci ŭ toj momant znachodzilisia ŭ susiedziaŭ. Ułasna, dzieci bačyli scenu ŭvarvańnia łasia ŭ pakoj praz akno i byli surjozna napałochanyja.

Zatoje z usioj vulicy źbiehlisia susiedskija dzieci — pahladzieć, što adbyvajecca.

Na dumku Natalli, heta nie vina jaje siamji, što tušu łasia pryjšłosia evakuiravać na vačach va ŭsioj vulicy.

«Kali [zoaabaroncy] tak pieražyvajuć za łasia, čamu nikudy nie paskardzilisia, što jon try hadziny ściakaŭ kryvioj?» — zadajecca pytańniem žančyna.

Natalla z mužam navat razhladajuć, ci nie padać zajavu ŭ adkaz — za paklop, ale kaža, pakul nie da taho.

Kamientary17

  • Lejcar korkavy
    12.06.2025
    Fotački dy videa ni da čaho dobraha nie pryviaduć. A chto tamu apierataru dazvoliŭ zdymać asabistaje žyćcio na asabistym padvorku?
  • Vstriečnyj isk obiazatielno
    12.06.2025
    Obiazatielno podavajtie vstriečnyj isk na etu bolnuju na hołovu "zoozaŝitnicu", kotoroj vidimo po fih, čto łoś moh zatoptať dietiej v domie.
    Po moim nabludienijam, podobnym zoofiłamkam obyčno po fih na ludiej, ich žizń i zdorov́je.
    Voobŝie, jeśli v dom vorvałoś dikoje životnoje, choziain moh srazu pristrieliť jeho. Dla biezopasnosti svojej sieḿji.
    A tut choziain voobŝie nie pričiem. Łoś sam poraniłsia o raźbitoje okno, v kotoroje on vskočił, i istiek krov́ju ot ranienija.

    Zoozaŝitnica absolutno nie prava. Nado podavať na niejo vstriečnyj isk. I triebovať moralnoj kompiensacii.
  • Niet słov
    12.06.2025
    U ludiej bieda, razhromlen dom, miebiel, dieti čuť nie postradali. I vmiesto toho, čtoby priedłožiť pomoŝ sieḿje, kupiť novyj divan dietiam, čtoby nie spali na połu, eta tiotka vyzyvajet na postradavšuju sieḿju mientov.

Ciapier čytajuć

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju7

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju

Usie naviny →
Usie naviny

«Nie chacieli pakutavać ź biełaruskimi kartami na Booking». A ŭ vyniku ledź nie trapili na 400 jeŭra4

Tramp zajaviŭ, što vystupić z važnaj zajavaj nakont Rasii4

Upieršyniu rasijskija vajskoŭcy zdalisia ŭ pałon robatam — navatarskaja apieracyja ŭkrainskaj šturmavoj bryhady7

Samaja darahaja sumačka ŭ śviecie. Sumku dla Džejn Birkin pradali za rekordnyja $10 miljonaŭ

Tramp pachvaliŭ prezidenta Libieryi za anhlijskuju, ale tam heta mova aficyjnaja2

Za adzin viečar try biełaruskija futbolnyja kłuby pieramahli supiernikaŭ z Armienii, Makiedonii i Čarnahoryi. Heta rekord7

U Homieli źjaviŭsia skvier Milicyi. Haradžan nie pytalisia navat farmalna4

Vialikabrytanija i Ukraina padpišuć histaryčnuju damovu ab pastaŭcy tysiač rakiet dla SPA

«Sa studzienia Rasija straciła 100 tysiač sałdat. Zabitymi. Nie ŭsiaho, a zabitymi»8

bolš čytanych navin
bolš łajkanych navin

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju7

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju

Hałoŭnaje
Usie naviny →

Zaŭvaha:

 

 

 

 

Zakryć Paviedamić