Minpracy: Dla niekatorych biełarusaŭ mohuć pierahledzieć minimalny strachavy staž
U Biełarusi dla niekatorych katehoryj hramadzian mohuć źmianić patrabavańni da minimalnaha strachavoha stažu.
Takuju mahčymaść 27 studzienia ahučyŭ u Pałacie pradstaŭnikoŭ na kruhłym stale pra stan i pierśpiektyvy piensijnaj sistemy namieśnik ministra pracy i sacyjalnaj abarony Valeryj Kavalkoŭ. Nahadajem, strachavy staž uličvajecca pry vyznačeńni prava na pracoŭnuju piensiju.
Havorka idzie nie pra niejki indyvidualny razhlad kankretnych vypadkaŭ, a pra zamacavańnie normaŭ u zakanadaŭstvie, udakładniŭ Valeryj Kavalkoŭ.
— Mahčyma, my padumajem nad źnižeńniem strachavoha stažu, ale tolki dla tych asob, u jakich praciahłyja kredytnyja pieryjady. My pavinny razumieć, što toj čałaviek, jaki nie pracavaŭ ci pracavaŭ na siabie, nie pavinien atrymać piensiju ŭ tym ža abjomie, jak toj, chto ŭsio žyćcio pracavaŭ, — adznačyŭ Valeryj Kavalkoŭ.
U kredytnyja pieryjady ŭvachodziać słužba ŭ armii, znachodžańnie ŭ dekretnym adpačynku, atrymańnie adukacyi i inšaje.
Ciapier biełarusy, jakija nie vypracavali strachavy staž, traplajuć u «piensijnuju pastku»: jany nie mohuć pretendavać na pracoŭnuju piensiju, im mohuć tolki pryznačyć sacyjalnuju.
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia26
Kamientary