Biełaruskija dobraachvotniki va Ukrainie pravodziać cykł sustreč sa školnikami FOTA, VIDEA
Va Ukrainie raspačaŭsia prajekt pa infarmavańni školnikaŭ pra ŭdzieł biełaruskich dobraachvotnikaŭ u vajnie na ŭkrainskim baku. U miežach prajekta ŭ troch škołach Uładzimir-Vałynskaha adbylisia sustrečy navučencaŭ ź biełaruskim dobraachvotnikam z pazyŭnym «Zubr».
Arhanizataram prajekta źjaŭlajecca Hramadski siektar Atrada «Pahonia» pry padtrymcy Narodnaha deputata Ukrainy Ihara Huzia.
Biełaruski bajec raspavioŭ, čamu pajšoŭ abaraniać krainu i što bačyŭ na ŭschodzie Ukrainy, a taksama adkazaŭ na pytańni navučencaŭ.
Najbolš aktyŭna sustreča prachodziła ŭ škole №3 Uładzimir-Vałynskaha.
«Ja nie cikaviŭsia palityčnym žyćciom Ukrainy, pakul nie pačalisia padziei na Majdanie. I navat paśla ich nie vielmi vieryŭ u toje, što mahčymaja vajna ŭ Jeŭropie ŭ XXI stahodździ. Ale kali kanflikt nabraŭ abaroty, to ŭžo stajać u baku nie zmoh, tamu spačatku pajšoŭ u połk «Azoŭ», dzie prajšoŭ kurs maładoha bajca, a dalej pierachodziŭ u inšyja farmavańni, jakija stajali ŭ najbolš «haračych» kropkach», — pačaŭ svaju pramovu «Zubr».
Bajec adznačyŭ, što za Ukrainu ŭ zonie ATA vajujuć nie tolki biełarusy, ale i rasijanie, palaki, brytancy, finy, italjancy dy pradstaŭniki inšych nacyjanalnaściaŭ.
Skončyłasia sustreča ciopłymi pažadańniami i fota na pamiać.
Akramia taho, «Zubr» padaravaŭ miascovamu školnamu muzieju, dzie jość ekspazicyja, pryśviečanaja ATA, biełaruski nacyjanalny ściah z podpisami biełaruskich dobraachvotnikaŭ.
U bližejšy čas projdzie jašče šerah takich sustreč u škołach inšych rajonaŭ Ukrainy.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami66
Kamientary