Drevy nie tolki dapamahajuć nam dychać u haradach. Zialonyja nasadžeńni dapamahajuć zdymać stres, stvarajuć mahčymaść dla fizičnaj aktyŭnaści i źnižajuć vypadki chraničnych zachvorvańniaŭ u haradžan.
Suśvietnaja arhanizacyja achovy zdaroŭja zaklikała ŭłady haradoŭ śvietu stvarać jak maha bolš parkaŭ, skvieraŭ i nievialikich zialonych kutkoŭ, paviedamlaje urbanforester.by sa spasyłkaj na Centr navin AAN.
Aŭtary dakładu «Zialonyja zony ŭ haradach i zdaroŭje» adznačajuć, što znachodžańnie na pryrodzie dazvalaje ludziam zbolšaha kampiensavać škodnaje ŭździejańnie roznych faktaraŭ, takich jak zabrudžvańnie pavietra, šum i ekstremalnaja śpiakota.
Eksperty AAN prapanujuć azielaniać i hramadskija miescy dla aktyŭnaha adpačynku, takija jak placoŭki dla spartyŭnych hulniaŭ.
A voś u daśledavańni Miedycynskaj škoły Milera pry univiersitecie Majami (ZŠA) havorycca, što zialonyja nasadžeńni dapamahajuć skaracić kolkaść ludziej, chvorych na hipiertaniju, dyjabiet i hipierlipidemiju: čym vyšejšaja kancentracyja zialonych nasadžeńniaŭ u horadzie, tym nižejšy ŭzrovień chraničnych zachvorvańniaŭ siarod ludziej, jakija pražyvajuć tam.
Vyniki zasnavanyja na danych pra zdaroŭje kala 250 000 čałaviek z akruhi Majami-Dejd (štat Fłaryda), sabranyja ŭ 2010 i 2011 hadach, piša bodryach.com.
Paradak dnia ŭ halinie ŭstojlivaha raźvićcia na pieryjad da 2030 hoda stavić zadaču zabiaśpiečyć usieahulny dostup da biaśpiečnych, adkrytych dla ŭsich i dastupnych zialonych zon i hramadskich miescaŭ adpačynku, u pryvatnaści, dla žančyn i dziaciej, pažyłych ludziej i invalidaŭ.
Ciapier čytajuć
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary