Minski zavod budmateryjałaŭ padaŭ zajavu ab pryznańni pradpryjemstva bankrutam, paviedamlajecca na sajcie Adzinaha dziaržaŭnaha rejestra źviestak ab bankructvie.
Pavodle infarmacyi, jakaja źmiaščajecca ŭ dziaržrejestry, ekanamičny sud Minska 30 studzienia 2017 hoda raspačaŭ vytvorčaść pa spravie ab ekanamičnaj niepłaciežazdolnaści (bankructvie) AAT «Minski zavod budaŭničych materyjałaŭ» z uviadzieńniem abaronnaha pieryjadu da 20 sakavika 2017 hoda. Zajavu ab bankructvie kiraŭnictva zavoda padało 16 śniežnia minułaha hoda. Pradpryjemstva pryznana daŭžnikom.
Minski zavod budaŭničych materyjałaŭ viadzie svaju historyju z 1925 hoda. Pradpryjemstva zajmajecca vytvorčaściu kieramičnaj cehły, a taksama bietonnych i rastvornych sumiesiaŭ, kieramičnych błokaŭ, ahrapierlitu. U Čašnickim rajonie Viciebskaj vobłaści znachodzicca filijał zavoda — hlinazdabyŭny karjer «Łukoml-1». U 2008 hodzie da pradpryjemstva byŭ dałučany Harynski kambinat budaŭničych materyjałaŭ.
Jak raniej paviedamili ŚMI, krytyčnaja situacyja na zavodzie skłałasia ŭ kastryčniku minułaha hoda, kali pradpryjemstva nie zmahło raźličycca za enierharesursy i ŭ vyniku abjaviła časovy prastoj. Tady ŭ vymušanym adpačynku biez zachavańnia zarpłaty apynułasia kala 250 čałaviek. Prafsajuz damohsia ad kiraŭnictva zavoda vypłaty rabotnikam 2/3 akładu, adnak i hetyja srodki pradpryjemstva adšukała ź ciažkaściu.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1414
Kamientary