Novy ministr ŭnutranaj biaśpieki ZŠA Džon Kieli zajaviŭ, što ściana na miažy ź Mieksikaj, uźviadzieńnie jakoj było adnym ź pieradvybarnych abiacańniaŭ Donalda Trampa, budzie pabudavana na praciahu dvuch hadoŭ.
U intervju telekanału Fox News Kieli zajaviŭ, što budaŭnictva ściany płanujecca pačać ciaham bližejšych miesiacaŭ. Pavodle jaho słoŭ, jon čakaje, što spačatku jaje frahmienty ŭźviaduć na najbolš prablemnych učastkach miažy, a zatym hetyja frahmienty złučać, piša Bi-bi-si.
Adnačasova Kieli nie vyklučyŭ, što ŭ niekatorych miescach ściana budzie faktyčna virtualnaj — zamiest fizičnaj pieraškody tam jak minimum na pieršym časie buduć vykarystoŭvacca vysokatechnałahičnyja pryłady sačeńnia za miažoj.
Pavodle słoŭ Kieli, srodki na ŭźviadzieńnie ściany pastupiać užo ŭ samy bližejšy čas. Adnak ministr nie staŭ udakładniać, adkul kankretna i ŭ jakich abjomach buduć vydzieleny hrošy. Sam Tramp abiacaŭ, što budaŭnictva ściany apłacić Mieksika — ale taja ŭžo admoviłasia.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary