Rasija praciahvaje čakać apłaty doŭhu za haz ad Biełarusi, pakul zruchaŭ u pieramovach pa hazie i nafcie niama, zajaviŭ žurnalistam vice-premjer Rasii Arkadź Dvarkovič, paviedamlaje TASS.
«Pakul niama zruchaŭ. Pakul čakajem prapanoŭ ad našych kalehaŭ. Na asnovie papiarednich prapanoŭ u nas niama pahadnieńniaŭ. Ale ŭ lubym vypadku my čakajem apłaty za 2016 hod», — skazaŭ jon.
Vice-premjer Rasii dadaŭ, što pakul nie moža prakamientavać słovy Alaksandra Łukašenki ab padačy ŭ sud na Rasiu za skaračeńnie pastavak nafty.
«Ja čuŭ hetuju frazu, ale ničoha nie viedaju pra hety zvarot», — skazaŭ jon žurnalistam.
Raniej pra toje, što Biełaruś padała ŭ sud z-za roznahałośsiaŭ z Rasijaj pa abjomach pastavak nafty, zajaviŭ Łukašenka 3 lutaha ŭ chodzie razmovy z žurnalistami. Jon nie ŭdakładniŭ, u jaki sud padadzieny pazoŭ.
28 studzienia Dvarkovič kazaŭ, što pamier doŭhu Biełarusi dasiahnuŭ 550 młn dalaraŭ.
