U Breście adbyłosia darožna-transpartnaje zdareńnie z udziełam mikraaŭtobusa i tralejbusa, paviedamili BIEŁTA ŭ abłasnoj Dziaržaŭtainśpiekcyi.
Avaryja zdaryłasia 6 lutaha kala 22.15 na hałoŭnaj vulicy horada. Pavodle papiaredniaj infarmacyi, za rul mikraaŭtobusa «Falksvahien Kraftar» sieŭ 20-hadovy bieraściejec. Na vulicy Mašerava jon urezaŭsia ŭ tralejbus, jaki spyniŭsia pierad śviatłaforam. U vyniku DTZ paciarpieŭ 19-hadovy pasažyr «Falksvahiena». Dla jaho debłakiroŭki spatrebiłasia dapamoha ratavalnikaŭ. Chłopca špitalizavali ŭ reanimacyju abłasnoj balnicy. Bolš u zdareńni nichto nie paciarpieŭ. Transpartnyja srodki atrymali miechaničnyja paškodžańni.
Jak paźniej vyśvietlili supracoŭniki DAI, kiroŭca mikraaŭtobusa byŭ pjany (1,4 pramile). Akramia taho, jon nie maje prava kiravańnia aŭtamabilem. Pravy kiroŭcy ŭ jaho zabrali ŭ žniŭni 2016 hoda za jazdu ŭ niećviarozym vyhladzie. Sa słoŭ vinavataha ŭ DTZ, u dzień avaryi jany ź siabram pili piva. Kali skončyłasia zakuska, maładyja ludzi vyrašyli papoŭnić zapas pravizii. Uziali klučy ad słužbovaha aŭtamabila i adpravilisia ŭ kramu. Sutyknieńnie z tralejbusam adbyłosia, kali viartalisia dadomu.
U dačynieńni da pjanaha biaspraŭnika vyrašajecca pytańnie ab raspačaćci kryminalnaj spravy.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary