Kiraŭnik Viarchoŭnaj Rady Ukrainy Andrej Parubij zaklikaŭ pradstaŭnicu «Apazicyjnaha błoka» Natallu Karaleŭskuju i ŭsich deputataŭ vystupać z trybuny parłamienta na ŭkrainskaj movie, piša»UP».
Getty
Spačatku, dajučy słova Karaleŭskaj, Parubij paprasiŭ jaje kazać pa temie zakonaprajekta, jaki tyčyŭsia piensij.
Karaleŭskaja pačała vystupleńnie na ruskaj movie — i śpikier paprasiŭ jaje havaryć na ŭkrainskaj, bo Viarchoŭnaja Rada — orhan dziaržaŭnaj ułady.
Jana praciahnuła na ŭkrainskaj movie — i zaklikała prymianiać hety padychod da ŭsich deputataŭ. Zała padtrymała prapanovu.
Adnak paźniej, užo pry abmierkavańni inšaha zakonaprajekta, člen «Apabłoka» Alaksandr Dałžankoŭ znoŭ zahavaryŭ pa-rusku i nastojvaŭ, što vystupać z trybuny možna na luboj movie.
Ale śpikier znoŭ zaklikaŭ havaryć na dziaržaŭnaj movie i nie stvarać kanfliktnych situacyj.
«Nie rabicie kanfliktu tam, dzie jaho niama. Jość adzinaja dziaržaŭnaja mova va Ukrainie — heta ŭkrainskaja», — skazaŭ Parubij.
Jon adznačyŭ, što ni ŭ adnym parłamiencie jeŭrapiejskich krain niemahčyma było b vystupać na movie inšaj dziaržavy deputatu hetaj krainy.
«Chočacie pierakład — zapišyciesia… Ale nie pravakujcie kanflikt i supraćstajańnie», — zaklikaŭ kiraŭnik Viarchoŭnaj Rady.